X

熱門

    政壇新秀訓練班

    簡介

    GIST

    主持人:葉振東、詹前穎、Terry

    政壇新秀訓練班為一個青年論政節目,每個週六讓來自不同背景的年青人,跟各方政治人物,社會人士,一同討論大眾所關心的議題,冀新秀亦能從中鍛鍊對社會時事的觸角、對事實的分析及理性批判思維。

    最新

    LATEST
    13/07/2019
    相片集
    相片集

    《第十四集》吳一鳴(科大學生會外務副會長)、邵嵐(城大學生會署理外務副會長)、蘇浚鋒(中大學生會會長)

    反送中嘅抗爭行動似乎未有平息跡象,林鄭特首曾經公開致歉,但恐怕香港人並未收貨。公民社會提出嘅五大訴求,政府至今未有正面回應。但問題始終要解決嘅,相信政府都好清楚市民訴求㗎啦,咁究竟點樣先至可以真正溝通呢?

    警察談判,佢有談判專家,咁究竟香港人嘅談判專家又係邊個呢?林鄭月娥早前邀請部分大學嘅學生會,進行閉門會議,但就被九大學生會拒絕,批評咁樣只係公關伎倆,甚至意圖製造社會分化。反過來,學生會希望林鄭公開同各界人士對話。

    抗爭期間,好多資訊同行動嘅發起,都來自網上討論區,甚至有網民戲稱,政府要聽民意就應該睇下連登,究竟呢個方法可唔可行呢?其實,反修例抗爭並無所謂「大台」,大部份係自發行動,咁究竟邊個先至有資格同埋代表性,去同政府坐低傾呢?

    猶記得特首曾經承諾同青年同行,希望聽多啲年青人嘅意見,咁今次以年青人為主角的反送中抗爭,係咪反映林鄭
    根本冇同年青人接通過?以致冇兌現競選承諾呢?

    反觀五年前嘅雨傘運動,林鄭曾經同運動嘅領袖公開對話,當時希望達成共識,但係最終經歷左79日嘅佔領,「真普選」最後依然無疾而終。「學聯五子」之一嘅鍾耀華話,政府每次提出對話都只係拖字訣,希望抗爭者唔好中計。究竟政府今次的對話邀請有幾大誠意?

    今集政壇新秀訓練班,就請來科大同埋城市大學嘅學生會代表,一齊傾下要點樣溝通,先至可以成功!

    13/07/2019 - 足本 Full (HKT 15:04 - 16:00)

    重溫

    CATCHUP
    05 - 07
    2019
    香港電台第一台

    13/07/2019

    06/07/2019

    29/06/2019

    22/06/2019

    08/06/2019

    01/06/2019

    25/05/2019

    18/05/2019

    11/05/2019

    X

    《第三集》曾鈺成(前任立法會主席)

    主持人:葉振東、詹前穎、Terry

    本集嘉賓:曾鈺成(前任立法會主席)

    曾鈺成,大紫荊勳賢,前任香港立法會主席,民建聯創黨主席。數年前離開立法會後仍然活躍政圈,目前亦為報章撰寫專欄,為香港的發展出心出力。

    「佔中案」即將判刑,陳淑莊及邵家臻兩位議員有機會因刑期而影響其議席,民主派話當年時任主席的曾先生以請假為由,批准劉皇發議員缺席超過三個月,未知曾先生今次對兩位議員的刑期有咩睇法?點様處理先符合公眾利益呢?

    另外,又有消息話,23條立法須在本屆特首任期內落實,其中包括以中央立法,並加入基本法「附件三」的方式在港推行,或利用釋法令本地法暫時「修補」漏洞等方案,23條立法的適當時機,究竟係幾時呢?

    此外,「逃犯條例」的修訂亦引起廣泛關注。曾任立法會多年的曾先生,對此修訂有何睇法?而接二連三的「政治任務」,會否令林鄭施政愈加困難?

    講到教育問題,部份人話,「校本條例」的通過,反而係導致近年不少校政風波的主因,咁曾任校長、現任校監及校董的曾先生,可否和政壇新秀分享一下切身體會?

    有請曾鈺成先生!

    香港電台第一台

    20/04/2019 - 足本 Full (HKT 15:04 - 16:00)

    • 網站獲奬:

    • 在新分頁開啟第五屆傳媒轉型大獎
    • 在新分頁開啟2014優秀網站選舉十大優秀網站