X

熱門

政壇新秀訓練班

簡介

GIST

主持人:葉振東、Alan

政壇新秀訓練班為一個青年論政節目,每個週六讓來自不同背景的年青人,跟各方政治人物,社會人士,一同討論大眾所關心的議題,冀新秀亦能從中鍛鍊對社會時事的觸角、對事實的分析及理性批判思維。

最新

LATEST
22/02/2020
相片集
相片集

《第四十六集》黃貴有先生(香港小童群益會 副總幹事)

今集嘉賓 黃貴有先生

政府近年強調「與青年同行」,希望了解青年人嘅聲音,從而對症下藥,紓緩青年問題同社會嘅深層次矛盾。政府近年先後成立「青年事務委員會」同推行「青年自薦計劃」,透過喺行政架構中吸納青年意見同訂立全面嘅政策方針,改善青年人喺學業、事業、置業三方面嘅困難,並鼓勵青年議政、論政同參政。

但到底政府嘅青年政策係咪成功呢?近年,香港先後經歷佔領中環同反對逃犯條例修訂風波,而年輕人都係兩次事件中嘅主要參與者。當中訴求都非常清晰,就係要求落實普選、追究制度暴力等深層次政治制度問題,而唔係政府眼中嘅買唔到樓、人工低、職業出路少嘅各類經濟問題。尤其係反對逃犯修訂風波之中,有大量抗爭者係中學生,政府提出嘅青年政策,好似改善青年就業、協助置業等措施對中學生嚟講並唔係佢哋嘅貼身利益。可見現行嘅青年政策係捉錯用神,脫離咗政策目標同對象嘅需要,未能有效解決青年問題。

點解政府嘅青年政策會嚴重脫離民意呢?咁又代唔代表現時嘅政策係失敗?重要嘅係,喺今日嘅政治僵局下,官民之間欠缺信任,而政府亦唔願意面對改革政治制度嘅必要,香港嘅青年政策可以點樣行落去呢?而下星期出爐嘅財政預算案會有咩空間可以協助舒緩貼近青年生活嘅問題呢?

今日嘅嘉賓從事兒童及青年事務多年 ,佢嘅經驗可以點樣為香港嘅青年政策指點迷津?今集政壇新秀訓練班,請嚟香港小童群益會副總幹事 黃貴有,同各位傾傾。

22/02/2020 - 足本 Full (HKT 15:04 - 16:00)

重溫

CATCHUP
12 - 02
2019 - 2020
香港電台第一台

22/02/2020

15/02/2020

08/02/2020

01/02/2020

25/01/2020

18/01/2020

11/01/2020

04/01/2020

28/12/2019

21/12/2019

X

《第十九集》薛浩然(鄉議局研究中心主任)

主持人:葉振東、Alan

鄉議局有90幾年歷史,是代表新界原居民同700多條原居民村的非政府組織。在立法會佔有一席功能組別議席,在1200人的選委會中持有26票。鄉議局主席劉業強定位鄉議局係「官民橋樑」,代表住80萬海內外新界原居民意見,及守護其合法、合理、合情傳統權益的組織。

劉業強指出,從日軍侵華到佔領行動等重大議題,鄉議局均「義無反顧,全情投入,支持政府」。背後原因在於新界人,渴求一個安全和穩定的社會環境,令佢地能在祖父輩的土地上「子孫永續」。

 

在最近反送中風波,鄉議局亦同政府口吻一致,無論是612警民衝突、71示威者衝擊立法會,還是721示威者包圍中聯辦大樓;鄉議局都一一強烈譴責,更話這是香港反對勢力與外部勢力合流,有預謀、有組織咁利用反修例,對中央及特區政府的肆意攻擊。

 

但721日元朗白衫人無差別的襲擊事件,令鄉事派被捲入鄉黑勾結的爭議。究竟傳統新界人有否涉黑呢?無論真相如何,可以肯定的是,事件已令傳統鄉事派,甚至鄉議局的聲譽受損。事到如今,鄉議局應該如何還原居民清白呢?

 

雖然鄉議局傾向於支持政府政策,但當政府政策或與鄉民利益有衝突時,鄉議局似乎不會選擇息事寧人,而係據理力爭。在16年曾舉行捍衛原居民合法權益聲討大會,當時6000人參與,以「原居民企硬抗爭,打倒偽民主霸權!」為口號。令人懷疑鄉議局對政府的支持,係咪建基於丁權嘅延續,而非新界人渴求安全和安穩的生活及「子孫永續」呢?

 

今集,我們請來主要研究新界歷史、文化、傳統的新界鄉議局研究中心主任,有「新界大才子」之稱的薛浩然,為政壇新秀解難釋疑。

 

有請薛浩然!

香港電台第一台

17/08/2019 - 足本 Full (HKT 15:04 - 16:00)

  • 網站獲奬:

  • 在新分頁開啟第五屆傳媒轉型大獎
  • 在新分頁開啟2014優秀網站選舉十大優秀網站