X

熱門

政壇新秀訓練班

簡介

GIST

主持人:葉振東,阿桓

政壇新秀訓練班為一個青年論政節目,每個週六讓來自不同背景的年青人,跟各方政治人物,社會人士,一同討論大眾所關心的議題,冀新秀亦能從中鍛鍊對社會時事的觸角、對事實的分析及理性批判思維。

最新

LATEST
28/03/2020
相片集
相片集

《第五十一集》楊立門先生(中華廠商聯合會行政總裁)

今集嘉賓 楊立門先生

自舊年下半年嘅反修例風波開始,香港嘅本地生產總值已經連續兩季下跌,技術上已經踏入衰退;而今年遇上新型肺炎打擊,對經濟嘅負面影響可能比當年沙士更嚴重。香港嘅失業率由上年五至七月錄得嘅百份之 2.9 上升至十二月至今年二月錄得嘅百分之 3.7,個別行業例如零售、飲食、建造業嘅失業率更上升至超過百份之六。

喺社會事件同疫情嘅打擊下,財政司司長陳茂波喺財政預算案公佈設立總共 300 億元嘅「防疫抗疫」基金,支援零售、飲食、旅遊等行業,以及提供低息貸款、寛免商業登記費等協助企業渡過難關。但有不少中小企已受到巨大損失,例如大量海外工廠停工,貨運受到嚴重干擾,政府嘅支援會否來得及時?

中華廠商聯合會會長吳宏斌認為「防疫抗疫基金」以及財政預算案提出嘅紓困措施只能夠解決部份行業的燃眉之急,若疫情持續多兩、三個月,政府就可能需要加強抗疫措施嘅規模、延長期限甚至擴大資助範圍。除此之外,廠商會又建議政府進一步為中小企提供營運資金貸款,協助維持穩建嘅財政能力。

今日嘅嘉賓曾有份推動沙士後經濟復甦,由身為前官員,至現時嘅商界人物,佢點睇今次疫情所造成嘅危機?政府除左派錢,會否有其他政策可以刺激本地經濟?今集政壇新秀訓練班,請嚟中華廠商聯合會行政總裁 楊立門,同我地傾傾。

有請楊先生。

28/03/2020 - 足本 Full (HKT 15:04 - 16:00)

重溫

CATCHUP
01 - 03
2020
香港電台第一台

28/03/2020

21/03/2020

14/03/2020

07/03/2020

29/02/2020

22/02/2020

15/02/2020

08/02/2020

01/02/2020

25/01/2020

X

《第四十六集》黃貴有先生(香港小童群益會 副總幹事)

主持人:葉振東,阿桓

今集嘉賓 黃貴有先生

政府近年強調「與青年同行」,希望了解青年人嘅聲音,從而對症下藥,紓緩青年問題同社會嘅深層次矛盾。政府近年先後成立「青年事務委員會」同推行「青年自薦計劃」,透過喺行政架構中吸納青年意見同訂立全面嘅政策方針,改善青年人喺學業、事業、置業三方面嘅困難,並鼓勵青年議政、論政同參政。

但到底政府嘅青年政策係咪成功呢?近年,香港先後經歷佔領中環同反對逃犯條例修訂風波,而年輕人都係兩次事件中嘅主要參與者。當中訴求都非常清晰,就係要求落實普選、追究制度暴力等深層次政治制度問題,而唔係政府眼中嘅買唔到樓、人工低、職業出路少嘅各類經濟問題。尤其係反對逃犯修訂風波之中,有大量抗爭者係中學生,政府提出嘅青年政策,好似改善青年就業、協助置業等措施對中學生嚟講並唔係佢哋嘅貼身利益。可見現行嘅青年政策係捉錯用神,脫離咗政策目標同對象嘅需要,未能有效解決青年問題。

點解政府嘅青年政策會嚴重脫離民意呢?咁又代唔代表現時嘅政策係失敗?重要嘅係,喺今日嘅政治僵局下,官民之間欠缺信任,而政府亦唔願意面對改革政治制度嘅必要,香港嘅青年政策可以點樣行落去呢?而下星期出爐嘅財政預算案會有咩空間可以協助舒緩貼近青年生活嘅問題呢?

今日嘅嘉賓從事兒童及青年事務多年 ,佢嘅經驗可以點樣為香港嘅青年政策指點迷津?今集政壇新秀訓練班,請嚟香港小童群益會副總幹事 黃貴有,同各位傾傾。

香港電台第一台

22/02/2020 - 足本 Full (HKT 15:04 - 16:00)

  • 網站獲奬:

  • 在新分頁開啟第五屆傳媒轉型大獎
  • 在新分頁開啟2014優秀網站選舉十大優秀網站