主持人:李秋婷
|
文化藝術蘊藏令生活更豐盛更美好的力量。《藝文谷》— 這本逢星期六出版,由香港電台文教組製作的「藝文雜誌」,每星期帶來不同專題、人物訪問,以及最新的藝文資訊。
電台收聽 香港電台第二台,逢星期六晚上9:00至10:00播出。
Podcast 收聽或訂閱 https://podcast.rthk.hk/podcast/item.php?pid=1540&lang=zh-CN 瀏覽香港電台文教組「藝文一格」網頁 |
自言係開心人嘅詹瑞文,有乜嘢開心嘅秘訣?嚟緊嘅「單拖喜劇」《即興之王AD-LIP KING》內容關於乜嘢,又點樣即興法呢?
香港舞台佈景巨匠魯德義,人稱「魯師傅」,自上世紀八十年代初起投身製景事業,製作佈景逾千台,但凡同魯師傅合作過嘅藝術或舞台工作者,都對佢讚口不絕。從魯師傅喺行內嘅發展歷程,點樣睇到本地舞台製作嘅演變呢?國際演藝評論家協會 (香港分會) 陳國慧將會透過「好景——魯師傅與香港舞台」呢套書籍講起。
各位藝文好友都講緊藝術三月爆忙,其實藝術家們都一樣,其中霓虹燈藝術家陳家倫Karen就為佢第二次喺巴塞爾藝術展香港展會Art Basel Hong Kong嘅展出而努力不懈。當初Karen 點解會被霓虹燈吸引,而為咗學習箇中知識及技術,佢去到幾盡?今次展覽佢嘅作品點樣展現「香港精神」呢?
大家聽到故宮,好自然會諗起中國文物,而今次嘅 「從波提切利到梵高:英國國家美術館珍藏展」 ,展出英國國家美術館52幅繪畫藝術珍藏。究竟香港故宮文化博物館嘅定位係點,而喺展覽裏面觀眾會有乜嘢得著呢?香港故宮文化博物館副研究員楊悅庭博士會話你知。