簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#292 自由舞2024 / Twinkle 新奇世界音樂會 / 藝聞全世界： 莫扎特新歌發佈 / 沙頭角嘉年華
「自由舞」係西九文化區管理局表演藝術處策動嘅大型舞蹈節。為慶祝自由空間五週年，今屆「自由舞」帶嚟本地及國際編舞家嘅前衛當代舞作品，衝擊大眾對時間、空間嘅固有概念，拓闊想像空間。西九高級表演藝術製作人(舞蹈)兼自由舞策展人鄭煥美 Anna除咗會講策動舞蹈節嘅理念及介紹節目外，亦會講到佢認為本地當代舞嘅獨特之處。
「虛擬音樂組合Twinkle」係一個結合真人及科技嘅虛擬偶像企劃，「出道」一年後佢哋即將喺東九文化中心舉行首個實體音樂會《Twinkle 新奇世界音樂會》，而且仲會聯同爵士鋼琴家張貝芝及佢嘅樂隊同台演出，跨越虛擬、現實嘅界限。音樂總監伍卓賢、技術總監何鴻鿋Colby會由策動呢個計劃開始講起，再講到人物設定、造型、音樂定位、音樂會技術挑戰等等，佢哋亦會分享藝術創作同科技結合嘅感想。
有興趣嘅朋友記住唔好錯過喇！
預告
#293 紅球巡展香港 / 藝想大世界系列：楊小芳 (上) / 藝聞全世界：Red Ball Project / 藝在無窮：馬德里普拉多博物館 / 文藝創意產業發展藍圖 / 動戲大地藝術節 再翅飛飛 大型沉浸式劇場
最近有大型公共藝術裝置訪港！美國藝術家Kurt Perschke創作嘅紅球計劃 (Red Ball Project)已經成為咗「世上現存為期最長嘅街頭藝術計劃」。呢個紅色波波由2004年至今已經遊走超過40多個城巿，而第48站就係香港！由12月6號至15號期間，佢會「攝」入香港不同地方文化地標，打咭之餘，佢仲等緊同大家互動！「紅球巡展香港」計劃顧問及建築師胡燦森Roger會同大家解構公共藝術嘅意義，亦會介紹12月11號喺亞洲協會香港中心舉行嘅藝術家座談會。
九歲時因一場意外失去雙臂嘅楊小芳，依家係一位藝術家，多年嚟佢嘅創作媒介由繪畫、裝置演變成行為藝術。「藝想大世界系列」小芳會分享佢接觸藝術嘅契機，亦會講到近年佢對身體嘅探索而創作嘅兩個行為藝術作品。
有興趣嘅朋友，一齊準時打開《藝文谷》呢本聽得嘅藝術文化雜誌吖！
重溫
#292 自由舞2024 / Twinkle 新奇世界音樂會 / 藝聞全世界： 莫扎特新歌發佈 / 沙頭角嘉年華
主持人：李秋婷
「自由舞」係西九文化區管理局表演藝術處策動嘅大型舞蹈節。為慶祝自由空間五週年，今屆「自由舞」帶嚟本地及國際編舞家嘅前衛當代舞作品，衝擊大眾對時間、空間嘅固有概念，拓闊想像空間。西九高級表演藝術製作人(舞蹈)兼自由舞策展人鄭煥美 Anna除咗會講策動舞蹈節嘅理念及介紹節目外，亦會講到佢認為本地當代舞嘅獨特之處。
「虛擬音樂組合Twinkle」係一個結合真人及科技嘅虛擬偶像企劃，「出道」一年後佢哋即將喺東九文化中心舉行首個實體音樂會《Twinkle 新奇世界音樂會》，而且仲會聯同爵士鋼琴家張貝芝及佢嘅樂隊同台演出，跨越虛擬、現實嘅界限。音樂總監伍卓賢、技術總監何鴻鿋Colby會由策動呢個計劃開始講起，再講到人物設定、造型、音樂定位、音樂會技術挑戰等等，佢哋亦會分享藝術創作同科技結合嘅感想。
有興趣嘅朋友記住唔好錯過喇！
