取得
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
呢度可以一路打機，一路玩住睇展覽，仲有嘢學？
無錯，城大般哥展覽館總監葉長安教授話歡迎大家去到「游於藝乎」 The Power of Play展場，一展所長。裏面唔單止有佢哋研發嘅遊戲，仲會解構打機、玩呢種文化喺人類文明嘅起源，以至一直以嚟嘅發展。佢仲會講到… 講咩？ 聽節目佢再話你知。
舞蹈呢種藝術兼運動，對於唐氏綜合症嘅朋友嚟講有咩好處？共融系列：藝想大世界，主持邱焱請嚟唐氏舞蹈團嘅朋友，團員杜冠文、陳亦芝，以及佢哋嘅媽媽，一齊講講加入舞團嘅好處！
不誠實記錄系列係畫家阿梁自2008年創立嘅繪畫風格，坊間一般會稱呼為畫中畫。佢點樣形成呢種畫風、又點解會將佢命名為不誠實記錄呢？阿梁會一一解答，仲會介紹佢策動嘅個人展覽沿路喃喃。
中大文物館策動展覽感墨鑄情- 憶利漢楨教授，懷愐去年辭世嘅利教授。策展人中文大學文物館副館長 鄧民亮博士Raymond ，會同大家細說從頭，分享利教授同中大嘅淵源，以及佢一路以嚟嘅藝術創作與及教學理念。
