對體障人士嚟講，「行行企企、走走趯趯」可能係一種挑戰。社區文化發展中心CCCD自2013年起舉辦「觸感藝術節」，打破一般藝術節以視覺為主嘅表達形式，使到欣賞同參與藝術，成為視障朋友嘅權利和機會，同時令大眾更加了解視障人士嘅世界。

《第九屆觸感藝術節－觸感漫遊 展覽II：走走趯趯》，繼第一階段展覽「行行企企」之後，第二階段走入北角油街實現嘅油街玻璃屋，為十位視障及健視藝術家提供一個平台，將佢哋嘅心聲透過藝術同大眾分享。CCCD節目統籌馬穎汶Mandy 聯同策展人黃嘉瀛，分享視障藝術家點樣透過作品去留住回憶，喚起大家嘅笑臉、健視藝術家又點樣透過創作走入視障人士嘅世界。

「劇場對話系列」繼續請嚟 #香港話劇團  三位助理藝術總監 方俊杰、劉守正、邱廷輝，繼續分享劇場人嘅二三事。劉守正點解會話將興趣變成職業好幸福，但同時都好痛苦？對方俊杰影響至深嘅舞台作品又係邊個？而邱廷輝因為工作而留下一個遺憾，到底發生咩事？