主持人:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
常言道:人生有幾個十年。十年對一個人嚟講,有咩意義?畫家兼網媒記者黃曉楓Apple希望透過最新個展《一山煙雨》,同十年前第一次舉辦個展嘅自己,作出少少對照及回應。今次嘅作品全部都係新作,當中有部份同十年前佢做過嘅一件事有關,到底係咩事?今次展覽嘅名稱、點題作品又同嗰件事有咩關連呢?
講到清代皇家園林圓明園,大家一定會諗起十二獸首,甚至嗰段慘痛嘅歷史,但除此之外,仲有乜嘢鮮為人知嘅故事?香港故宮文化博物館館長吳志華博士透露「圓明園 - 清代皇家園居文化」展覽,有別於以往喺香港舉辦圓明園相關嘅展覽,會較為全面而完整呈現圓明園嘅人與事。到底出入圓明園最常用嘅交通工具係乜嘢?乾隆皇點樣過節慶?今日再睇呢啲同我哋相距甚遠嘅人與事,又有乜嘢得著或反思?
有興趣嘅朋友,記得準時收聽節目喇!
香港曾經被認為係文化沙漠,時至今日已經蛻變為文化城巿。資深藝術管理人員茹國烈Louis喺最新著作《文化城市之路》,從佢喺三個主要藝術機構嘅工作,包括:香港藝術中心、香港藝術發展局以及西九文化區管理局,記錄呢座城市,點樣喺過去幾十年,踏上文化城市之路。邊一個經歷對Louis嚟講係最重要及最珍貴?
西方文學巨擘William Shakespeare莎士比亞,係英國文學史上最重要嘅劇作家及詩人。到底莎翁嘅作品有乜嘢魅力,以致數百年後嘅今日仍然不斷被搬演舞台、銀幕?資深劇場導演及戲劇教育家鄧樹榮,一直醉心鑽研莎翁嘅作品,早前更策動「香港國際莎劇節」,與外地藝團以不一樣嘅合作模式,擦出新火花。想知道整個莎劇節嘅亮點,以及鄧樹榮最想演嘅莎翁作品係邊個?記得準時收聽節目喇!