1982年9月，戴卓爾夫人率領英國政府高層代表團訪問中國，訪問團出發之前，英方早已放出風聲，強調「三個條約有效」，亦即係1842年中國割讓香港島的南京條約，1861年中國割讓九龍半島南端的北京條約，都明確指出英國擁有永久統治香港島同九龍半島南端的主權，中國無權收回，中英兩國需要談判的是1898年英國向中國租借的新界租約於1997年期滿之後的安排。英方聲稱，沒有英國人的管治，香港不會再有經濟繁榮。

1982年9月24日，鄧小平在人民大會堂接見戴卓爾夫人訪問團。

鄧：首相閣下，歡迎你率領英國政府官員黎到中國首都，我代表中國共產黨、中國政府，同埋中國人民，熱烈歡迎。(鼓掌)

戴：鄧先生，我地有機會黎到呢個偉大既國家進行訪問，感到十分榮幸。現在係重要的時刻，中國政府同英國政府，都需要以卓越既智慧，解決兩國之間懸而未決既重大問題。

鄧：請首相閣下講清楚。

戴：我地關注既，係香港既問題。香港同九龍既主權永久屬於大英帝國女皇陛下以及其繼承人，呢一點係得到1842年同1861年中英兩國簽訂既條約所確定既，唔應該有任何質疑。兩國需要解決既，係1997年之後，新界地區既租約問題。鄧先生，中國政府必須明白，香港從一個細小既漁港，發展成為今日經濟繁榮既大都市，就係因為得到英國既管治，英國既制度、法律，令到香港安定繁榮，假如失去左英國既管治，香港將會黯然無光，呢種改變，一定唔係鄧先生同中國政既願望。如果中國同意英國係1997之後，繼續管治香港，英國政府可以考慮中國所提出既主權要求。鄧小平先生，容許我提醒閣下，維持香港繁榮穩定，需要英國人留落黎，香港問題如果處理得唔好，會有災難性後果。

鄧：多謝首相閣下既提醒，我亦有三點，希望英國政府留意，一個係主權問題，中國政府從來不承認不平等條約，香港全部主權於中國，係毫無疑問既，中國係香港主權問題上，冇任何迴旋餘地。主權問題絕對唔可以討論，時機成熟，中國必定收回，我要明確肯定，1997年中國將收回香港，中國所收回既地方，不單止係新界，而且包括香港島、九龍半島。中國同英國，必須係呢個前提之下進行談判，商討解決香港問題既方式同方法。再一個係，1997之後，中國採取乜野方式黎管理香港，保持香港繁榮。我地認為，係中國管理之下，需要實行適合於香港既政策，所以，我地係宣布收回香港既同時，亦會宣布1997年之後係香港實行既制度同政策。第三個係，中國同英國政府需要妥善商談如何使到香港由現在到1997年既15年期間，不出現大波動。首相閣下，我要說明，中國政府作出以上決策之前，各種可能性都已經估計過。假如兩年之內中英兩國冇法子談判出一個適當既解決方案，中國將重新考慮收回香港既時間同方式。