主持人:李秋婷
深夜,是結束,也是新的開始。開啟一段另類的旅程,投入難得的片刻寧靜,置身於風、樹、鳥聲之中,享受放空。
第一台播放時間
星期一至六03:30至05:00
#香港電台文教組
#藝文一格 rthk.hk/artitude
0330-0430: 大埔滘自然護理區特輯(下):植物篇 「林蔭處處尋幽探祕」
曾經有生態學家嘅研究發現,雀鳥確實懂擇木而棲。上星期《大自然之聲》「大埔滘自然護理區特輯」帶大家走入大埔滘自然護理區認識不同雀鳥,而今個星期六(5月4日)將會認識雀鳥以及其他生物嘅「家」!
大埔滘自然護理區原本稱為大埔滘植林區,呢個自然護理區面積達到四百六十公頃,而政府喺1977年將呢度劃為特別地區,亦係香港首個特別地區。堪稱全港最成熟嘅次生林大埔滘郊野公園裏面,有由幾十年前開始種植嘅人工林,區內樹木有成一百幾十種咁多,唔單止有上世紀二十年代開始種植嘅松樹、白千層、紅膠木,仲混雜左唔少本地樹木,例如樟樹、榕樹、柯樹等,針葉林同闊葉林交錯生長。就係豐富多樣嘅植物品種,令到呢度錄得超過160種雀鳥外,生物多樣性亦都極高,可以話大埔滘自然護理區係學習植物及自然知識嘅最佳地點。
香港大學生物科學學院首席講師侯智恒博士早前率領《大自然之聲》錄音及製作團隊一行七人,深入大埔滘採集自然環境聲音及發掘裏頭嘅知識。點解大埔滘嘅原生林曾經被砍伐到幾乎所餘無幾?白花鬼針草點解被列為其中一種「危害力最高的入侵植物」?邊個喺葉片上面「鬼劃符」? 你又知道幾多植物知識呢?
0430-0500: #5 沐浴森林
主持人:李秋婷
0330-0430: 大埔滘自然護理區特輯 (雀鳥篇) :處處聞啼鳥
嘉賓:香港大學生物科學學院首席講師侯智恒博
0430-0500: #4 香港有森林嗎?
每次走入山林,都係不一樣嘅體驗,途中會遇到嘅雀鳥或動植物,都係緣份。
大埔滘自然護理區位於大埔墟及香港中文大學之間,政府喺1977年將大埔滘460公頃嘅土地,劃為香港首個以保護自然生態為主嘅特別地區。作為香港其中一個最成熟嘅次生林,由於受到較少人為干擾及發展威脅,加上多樣嘅生境,大埔滘自然護理區吸引咗唔同品種嘅鳥類喺呢度和平共處。從大埔滘至城門、大帽山之間嘅山區,形成一條受保護嘅生態走廊,更加錄得超過160種雀鳥,呢度可以話係觀賞林鳥嘅絕佳地點。
《大自然之聲》會一連兩個星期六 (27/4 及4/5) 播出「大埔滘自然護理區特輯」,當中嘅自然環境聲音,都係3月6日早上由香港大學生物科學學院首席講師侯智恒博士,帶領製作團隊一行七人,深入大埔滘採集而嚟。上集「雀鳥篇:處處聞啼鳥」將會介紹錄音當日團隊巧遇嘅雀鳥,你又聽聽,睇吓認識當中幾多種鳥類?