X

熱門

政壇新秀訓練班

簡介

GIST

主持人:葉振東、詹前穎、Jerry

政壇新秀訓練班為一個青年論政節目,每個週六讓來自不同背景的年青人,跟各方政治人物,社會人士,一同討論大眾所關心的議題,冀新秀亦能從中鍛鍊對社會時事的觸角、對事實的分析及理性批判思維。

最新

LATEST
04/07/2020
相片集
相片集

《第六十五集》張炳良教授(運輸及房屋局前局長、香港教育大學公共行政學研究講座教授)

今集嘉賓 張炳良

香港政府近年民意一直低迷,最近一次由香港民意研究所所做嘅民調顯示,香港市民對特區政府嘅整體表現滿意程度大約係負百分之48,似乎大部份市民對政府都抱有不滿嘅情緒。另外,長時間嘅警民衝突,亦令警方民望下跌,中大最近民調顯示,市民對警方嘅信任度只有3.36分,警民關係仍處於冰點。

早前香港教育大學公共行政學研究講座教授張炳良先生曾經於報章撰文,提到政府於示威風波期間進退失據,最初錯判形勢堅持啟動修例,之後趕唔切調整步伐,再繼而於上年6月中被迫「擱置」修例,拖到9月先正式收回法案,致使民情一發不可收拾。加上否決成立法定調查委員會,使到政府流失威信。

而對於港區國安法,張炳良教授曾經提及,國安法訂立後,學校仍然可以教授六四事件。而貿然取消通識科係本末倒置,但可以檢討課程係咪過分側重時事,咁應該如何重新定位通識科?甚至會否涉及其他科目嘅課程內容?對於年輕人,張炳良認為北京方面或未能完全了解其需要,建議可以「聽多點,了解多點」,以促使化解雙方矛盾。另外佢表示,國安法係不尋常時期嘅不尋常回應,通過國安法,對北京來講,只會係起點,期望穩定局勢後,再做教育等軟性工作。

張炳良教授主張,真正出路只有一條,就是政治重建、逐步解結,啟動大革新。但觀乎社會現時形勢,又係咪真係咁易做到?可以有咩良策達致大和解?

我地有請張炳良!

04/07/2020 - 足本 Full (HKT 15:04 - 16:00)

重溫

CATCHUP
05 - 07
2020
香港電台第一台

04/07/2020

27/06/2020

20/06/2020

13/06/2020

06/06/2020

30/05/2020

23/05/2020

16/05/2020

09/05/2020

02/05/2020

X

《第三十一集》譚潔瑩(葵涌劏房居民大聯盟)

主持人:葉振東、詹前穎、Jerry

2019年嘅施政報告係三個星期前已經發佈左,特首林鄭月娥為咗舒緩五個月以來反送中條例所帶來嘅極大民怨,推出左一系列嘅房屋政策以增加房屋供應,包括運用收回土地條例開拓土地,白居易同綠置居恆常化,大幅增加過渡性房屋項目,以及為首次置業人士提供最高九成按揭貸款申請等。撇除現今社會嘅民怨情緒獨立審視呢一系列嘅政策,今次真係會有效舒緩長久以來嘅房屋問題,定係再一次發出左一張空頭支票比香港人?

另外劏房户呢一個問題係過去社會上已經引起左唔少持份者嘅討論,而且佢哋都批評政府喺過去嘅房屋政策都比較少惠及到佢哋,包括租務管制,放寬申請公屋入息限額等。唔知道今年嘅施政報告所列出嘅政策佢哋有冇真正惠及到呢?

衣食住行係人類四大嘅基本生活要求,如果政府連房屋嘅訴求都唔可以基本咁滿足市民嘅需求,咁其實有冇發生呢五個月以來嘅事件,政府嘅民望都唔會高得去邊。

今集政壇新秀訓練班就請黎葵涌劏房聯盟大聯盟成員譚潔瑩,同我地一眾新秀探討一下現今香港嘅房屋政策啦!

香港電台第一台

09/11/2019 - 足本 Full (HKT 15:04 - 16:00)

  • 網站獲奬:

  • 在新分頁開啟第五屆傳媒轉型大獎
  • 在新分頁開啟2014優秀網站選舉十大優秀網站