主持人：李秋婷、張展鴻
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
環節『藝.科.東九』嘅最後一集，請到佢~~
爵士結他手、作曲家兼製作人關家傑Alan ，喺東九文化中心即將發表佢第七個製作。回顧過去六次經驗，佢有乜嘢體會呢？
藝術節年復一年，大家最關心嘅當然係「有年有咩特別之處」啦！
共融藝術節『無限亮』踏入第八屆，今年有咩新猷？
佢哋嘅節目及外展經理吳卓恩Freida 會重點介紹！
星期六晚9至10
香港電台第二台
一齊打開藝文谷
呢本聽得嘅藝術文化雜誌吖！
今集藝文谷，會帶你走入香港故宮文化博物館，館長吳志華博士，會深入講解展覽『莫臥兒王朝瑰寶─英國維多利亞與艾爾伯特博物館珍藏』嘅來龍去脈！莫臥兒個名點嚟？整個展覽有咩重點珍藏值得大家留意呢？
爵士樂即興、搖擺律動，交響樂 嚴肅、規範，將兩者融合，得唔得架？ 《交響爵士樂奇航音樂會》爵士小提琴手及作曲家李健強Kenneth 會由作曲、選曲、編排、以至呈現方式等等，深入講解將爵士樂交響樂融合嘅秘訣！
主持人：李秋婷、張展鴻
農曆新年大家忙於拜年、旅行之餘，亦可以聽電台節目，增長新年相關嘅文化知識。香港中文大學人類學系教授張展鴻會喺全新系列「味覺漫遊」，率先分享民間傳統「過年齋」嘅由來及意義等等。
過年食品除咗齋菜以外，當然唔少得糕點，香港浸會大學中國語言文學系蕭欣浩就會同大家講解年糕、蘿蔔糕及馬碲糕嘅由來與製作方法，仲會分享美味小貼士。
聽到咁多嘢食，梗係好肚餓哩。沙頭角文化生態協會史嘉茵話「沙頭角墟新春嘉年華」有嘢食、有嘢玩又有嘢睇。詳細情況，梗係要收聽今集節目啦！
祝大家聽節目聽到「蛇」采飛揚！
