取得
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
一棟超過一百年嘅歷史建築，仲有乜嘢可能性？
一口舍群項目總監張喻斯Stephanie 話，歷史建築嘅活化計劃有無限可能！
社區共享空間壹當前身係已結業嘅灣仔振安大押，到底Stephanie同團隊發掘到呢度有乜嘢元素，繼而策動咗N咁多個活動呢？佢有私心推介，我都有呀，記住聽節目喇。
藝術治療聽得多，舞動治療你聽過未？
邱焱Sophia 喺藝想大世界環節，請嚟舞動治療師 陳韻樂Michelle 分享箇中細節。
藝術係疏導、舒緩情緒嘅方法，你可以選擇不同嘅形式，好似今集藝想大世界裏面嘅Brenda，佢偶然遇上舞動治療師陳韻樂 Michelle ，用舞蹈 / 律動嘅藝術治療方式，陪佢走過人生嘅低谷。邱焱Sophia帶大家了解當中嘅治療細節。
漫畫家兼插畫家Bonnie Pang同大家一樣細細個開始畫畫，佢小學已經開始畫漫畫，到今日佢出版第二本Graphic Novel喇。點解佢選擇以變色龍同水獺作為故事主角？漫畫創作r嘅過程具體係點呢？
