簡介
GIST
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
最新
LATEST
27/04/2024
相片集
#261 書籍【文化城巿之路】 / 鄧樹榮戲劇工作室主辦 《香港國際莎劇節》/ 藝聞全世界：荷蘭街頭藝術家 - 弗蘭基 / 藝在無窮：瑞士巴塞爾 / 第三十一屆法國五月藝術節
香港曾經被認為係文化沙漠，時至今日已經蛻變為文化城巿。資深藝術管理人員茹國烈Louis喺最新著作《文化城市之路》，從佢喺三個主要藝術機構嘅工作，包括：香港藝術中心、香港藝術發展局以及西九文化區管理局，記錄呢座城市，點樣喺過去幾十年，踏上文化城市之路。邊一個經歷對Louis嚟講係最重要及最珍貴？
西方文學巨擘William Shakespeare莎士比亞，係英國文學史上最重要嘅劇作家及詩人。到底莎翁嘅作品有乜嘢魅力，以致數百年後嘅今日仍然不斷被搬演舞台、銀幕？資深劇場導演及戲劇教育家鄧樹榮，一直醉心鑽研莎翁嘅作品，早前更策動「香港國際莎劇節」，與外地藝團以不一樣嘅合作模式，擦出新火花。想知道整個莎劇節嘅亮點，以及鄧樹榮最想演嘅莎翁作品係邊個？記得準時收聽節目喇!
重溫
CATCHUP
X
#243 韓秉華 的藝術與設計世界 與 「長洲戲院.中華文化節 2023」
主持人：李秋婷
涉獵商標、海報、水墨、陶瓷、雕塑、獎座等等創作嘅設計師及藝術家韓秉華教授，接受《藝文谷》訪問，分享過去逾五十載嘅創作路上，點樣產生咁多靈感，對科技介入創作嘅睇法，仲會剖白同夥伴設計師蘇敏儀嘅親密合作關係～
三級歷史建築長洲戲院，經歷92年歷史，包括戰火以及停業26年等漫長嘅歲月洗禮，經活化後再度投入「工作」，以多元文化區的全新定位重現，並與香港中華文化活動推廣協會合辦為期三週嘅「長洲戲院·中華文化節 2023」，透過展覽、演出、工作坊及講座等弘揚中華文化新氣象。長洲戲院項目執行董事鄭俊威分享豐富嘅活動內容～
特別介紹：薄扶林牛牛陪你過聖誕
