主持人:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
香港曾經被認為係文化沙漠,時至今日已經蛻變為文化城巿。資深藝術管理人員茹國烈Louis喺最新著作《文化城市之路》,從佢喺三個主要藝術機構嘅工作,包括:香港藝術中心、香港藝術發展局以及西九文化區管理局,記錄呢座城市,點樣喺過去幾十年,踏上文化城市之路。邊一個經歷對Louis嚟講係最重要及最珍貴?
西方文學巨擘William Shakespeare莎士比亞,係英國文學史上最重要嘅劇作家及詩人。到底莎翁嘅作品有乜嘢魅力,以致數百年後嘅今日仍然不斷被搬演舞台、銀幕?資深劇場導演及戲劇教育家鄧樹榮,一直醉心鑽研莎翁嘅作品,早前更策動「香港國際莎劇節」,與外地藝團以不一樣嘅合作模式,擦出新火花。想知道整個莎劇節嘅亮點,以及鄧樹榮最想演嘅莎翁作品係邊個?記得準時收聽節目喇!
主持人:李秋婷
香港粵劇藝術團喺一個星期內上演唐滌生先生三個經典劇目《洛神》、《白兔會》同《火網梵宮十四年》。香港粵劇藝術團行政總裁王勝泉,聯同年青粵劇藝術家黃成彬,將會分享演出安排背後嘅心思,並為劇團成立首年作出小總結。
香港小交響樂團 (小交)一直舉辦致力向唔同年齡、背景嘅觀眾推廣音樂,甚至打破慣例,讓0至2歲幼童入場。小交嘅副指揮葉詠媛將會介紹2024年初兩場音樂會—《我的音樂日記》:麥萊叔叔電影音樂之旅以及寶寶愛音樂。有興趣嘅朋友記住唔好錯過喇!
特別介紹:「聲影穿梭 — 香港公共廣播九十五年」展覽