簡介
GIST
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
最新
LATEST
27/04/2024
相片集
#261 書籍【文化城巿之路】 / 鄧樹榮戲劇工作室主辦 《香港國際莎劇節》/ 藝聞全世界：荷蘭街頭藝術家 - 弗蘭基 / 藝在無窮：瑞士巴塞爾 / 第三十一屆法國五月藝術節
香港曾經被認為係文化沙漠，時至今日已經蛻變為文化城巿。資深藝術管理人員茹國烈Louis喺最新著作《文化城市之路》，從佢喺三個主要藝術機構嘅工作，包括：香港藝術中心、香港藝術發展局以及西九文化區管理局，記錄呢座城市，點樣喺過去幾十年，踏上文化城市之路。邊一個經歷對Louis嚟講係最重要及最珍貴？
西方文學巨擘William Shakespeare莎士比亞，係英國文學史上最重要嘅劇作家及詩人。到底莎翁嘅作品有乜嘢魅力，以致數百年後嘅今日仍然不斷被搬演舞台、銀幕？資深劇場導演及戲劇教育家鄧樹榮，一直醉心鑽研莎翁嘅作品，早前更策動「香港國際莎劇節」，與外地藝團以不一樣嘅合作模式，擦出新火花。想知道整個莎劇節嘅亮點，以及鄧樹榮最想演嘅莎翁作品係邊個？記得準時收聽節目喇!
重溫
CATCHUP
X
#245 《漁生請你指教》 / 「同一屋簷下：嶺南傳統建築源流與藝術」展覽 (上) / 藝聞全世界 浮世繪 / 藝在無窮 大澳棚屋 / 嶺南武術之數碼藝術化教育試驗計劃：虛實 首演
主持人：李秋婷
傳統藝術有賴不斷創新而得以承傳。今集介紹南音故事劇場《漁生請你指教》 ，擔綱指導及演出嘅戲曲泰斗阮兆輝 （輝哥），音樂總監伍卓賢，導演兼演員曾慕雪，分享如何將傳統南音放入劇場，道出香港水上人家嘅故事。
建築訴說著一個地方嘅歷史、氣候、環境，甚至更多。從粵港考古出土嘅新石器時代嘅部份建築遺存可以見到，嶺南地區與中國南方其他地區嘅傳統建築有共同嘅源頭。節目請來發展局文物保育專員蔣志豪、總文物主任 (古物古蹟) 蕭麗娟，介紹「同一屋簷下：嶺南傳統建築源流與藝術」展覽嘅策展過程，亦會重點講到最觸目嘅國家一級文物，喺宣統元年（1909年）製作嘅「番禺神樓」。
有興趣嘅朋友記住留意喇！
