簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
最新
27/04/2024
網上直播完畢稍後提供節目重溫。 Archive will be available after live webcast
香港曾經被認為係文化沙漠，時至今日已經蛻變為文化城巿。資深藝術管理人員茹國烈Louis喺最新著作《文化城市之路》，從佢喺三個主要藝術機構嘅工作，包括：香港藝術中心、香港藝術發展局以及西九文化區管理局，記錄呢座城市，點樣喺過去幾十年，踏上文化城市之路。邊一個經歷對Louis嚟講係最重要及最珍貴？
西方文學巨擘William Shakespeare莎士比亞，係英國文學史上最重要嘅劇作家及詩人。到底莎翁嘅作品有乜嘢魅力，以致數百年後嘅今日仍然不斷被搬演舞台、銀幕？資深劇場導演及戲劇教育家鄧樹榮，一直醉心鑽研莎翁嘅作品，早前更策動「香港國際莎劇節」，與外地藝團以不一樣嘅合作模式，擦出新火花。想知道整個莎劇節嘅亮點，以及鄧樹榮最想演嘅莎翁作品係邊個？記得準時收聽節目喇!
重溫
27/04/2024
#257 霓虹燈藝術家@巴塞爾藝術展香港展會2024 / 從波提切利到梵高：英國國家美術館珍藏展 / 藝聞全世界 插畫家馬克斯·道爾頓 / 藝在無窮 瓦薩沉船博物館 (Vasa Museum) / Art Central Hong Kong 2024 / 藝術@維港2024 teamLab：光漣 / 俠之大者—金庸百年誕辰紀念@中環愛丁堡廣場 /大館表演藝術季：SPOTLIGHT
主持人：李秋婷
各位藝文好友都講緊藝術三月爆忙，其實藝術家們都一樣，其中霓虹燈藝術家陳家倫Karen就為佢第二次喺巴塞爾藝術展香港展會Art Basel Hong Kong嘅展出而努力不懈。當初Karen 點解會被霓虹燈吸引，而為咗學習箇中知識及技術，佢去到幾盡？今次展覽佢嘅作品點樣展現「香港精神」呢？
大家聽到故宮，好自然會諗起中國文物，而今次嘅 「從波提切利到梵高：英國國家美術館珍藏展」 ，展出英國國家美術館52幅繪畫藝術珍藏。究竟香港故宮文化博物館嘅定位係點，而喺展覽裏面觀眾會有乜嘢得著呢？香港故宮文化博物館副研究員楊悅庭博士會話你知。
