簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
最新
#261 書籍【文化城巿之路】 / 鄧樹榮戲劇工作室主辦 《香港國際莎劇節》/ 藝聞全世界：荷蘭街頭藝術家 - 弗蘭基 / 藝在無窮：瑞士巴塞爾 / 第三十一屆法國五月藝術節
香港曾經被認為係文化沙漠，時至今日已經蛻變為文化城巿。資深藝術管理人員茹國烈Louis喺最新著作《文化城市之路》，從佢喺三個主要藝術機構嘅工作，包括：香港藝術中心、香港藝術發展局以及西九文化區管理局，記錄呢座城市，點樣喺過去幾十年，踏上文化城市之路。邊一個經歷對Louis嚟講係最重要及最珍貴？
西方文學巨擘William Shakespeare莎士比亞，係英國文學史上最重要嘅劇作家及詩人。到底莎翁嘅作品有乜嘢魅力，以致數百年後嘅今日仍然不斷被搬演舞台、銀幕？資深劇場導演及戲劇教育家鄧樹榮，一直醉心鑽研莎翁嘅作品，早前更策動「香港國際莎劇節」，與外地藝團以不一樣嘅合作模式，擦出新火花。想知道整個莎劇節嘅亮點，以及鄧樹榮最想演嘅莎翁作品係邊個？記得準時收聽節目喇!
重溫
#259 「 香港話劇團2024-25劇季節目」/ 劇場空間舞台劇《金池塘》 / 藝聞全世界：「下一位奈良美智」日本雕塑家中村萌 / 藝在無窮：英國展覽The Cult of Beauty / 梵高．樂印｜藝術@維港2024
主持人：李秋婷
一個完善嘅計劃可以指引一眾藝術人員向短、中、長期目標進發，對藝團嚟講相當重要。唔知香港話劇團剛發佈嘅 2024-25 劇季節目，點樣平衡大眾與小眾口味，藝術與商業元素呢？而當中嘅演出又點樣「解開生活密碼 窺探真我秘密」？咁多個演出，邊一個係因為《天下第一樓》而應運而生？香港話劇團藝術總監潘惠森及助理藝術總監方俊杰會話曬你知！
經典戲碼《金池塘》曾經喺銀幕及舞台被搬演多次，劇場空間將會帶嚟嘅版本，又會加入乜嘢新元素？劇團嘅藝術創作總監、兼今次演出嘅翻譯、導演、監製余振球會同大家分享。資深演員區嘉雯第一次演出呢個劇，但點解好多人都以為佢演過呢個作品嘅？而佢差唔多一年前已經問余振球攞曬中英文劇本，到底佢係點做準備？
有興趣嘅朋友，記住唔好錯過喇！
