簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#293 紅球巡展香港 / 藝想大世界系列：楊小芳 (上) / 藝聞全世界：Red Ball Project / 藝在無窮：馬德里普拉多博物館 / 文藝創意產業發展藍圖 / 動戲大地藝術節 再翅飛飛 大型沉浸式劇場
最近有大型公共藝術裝置訪港！美國藝術家Kurt Perschke創作嘅紅球計劃 (Red Ball Project)已經成為咗「世上現存為期最長嘅街頭藝術計劃」。呢個紅色波波由2004年至今已經遊走超過40多個城巿，而第48站就係香港！由12月6號至15號期間，佢會「攝」入香港不同地方文化地標，打咭之餘，佢仲等緊同大家互動！「紅球巡展香港」計劃顧問及建築師胡燦森Roger會同大家解構公共藝術嘅意義，亦會介紹12月11號喺亞洲協會香港中心舉行嘅藝術家座談會。
九歲時因一場意外失去雙臂嘅楊小芳，依家係一位藝術家，多年嚟佢嘅創作媒介由繪畫、裝置演變成行為藝術。「藝想大世界系列」小芳會分享佢接觸藝術嘅契機，亦會講到近年佢對身體嘅探索而創作嘅兩個行為藝術作品。
有興趣嘅朋友，一齊準時打開《藝文谷》呢本聽得嘅藝術文化雜誌吖！
重溫
#289 香水樽的收藏故事 / 築覺漫遊系列： Herzog & de Meuron 雅克·赫爾佐格 及 皮埃爾·德梅隆) / 藝在無窮： 雅克·赫爾佐格及皮埃爾·德梅隆) / 藝在無窮： 韓國文學的現代化轉型—重塑閱讀體驗
主持人：李秋婷
每個人都可以有各種收藏，但未必想公諸同好。本地作曲家高世章Leon，另一個身份係香水收藏家，因為創作「展覽音樂會」《琉璃之歌》，佢決定相隔十四年後再次將自己嘅珍貴收藏同觀眾分享。
Leon有獨特嘅審美觀，收藏逾2000個香水樽，今次佢會分享收藏中年紀最大同最細嘅香水樽，亦會講到香水樽教曉佢嘅重要事。
「築覺漫遊系列」建築師洪彬芬Fanny今次會介紹另一對瑞士建築師組合Herzog & de Meuron (雅克·赫爾佐格及皮埃爾·德梅隆)，呢對組合作品眾多，香港嘅重點建築包括：西九文化區M+博物館及大館嘅藝方及立方。Fanny 除咗會分享呢對建築師組合嘅創作特色，亦會帶大家認識喺香港以外兩位有份參與嘅重點建築項目。
有興趣嘅朋友，記住唔好錯過喇！
