香港電台製作過好多經典音樂節目，其中誕生喺1980年嘅深夜音樂節目《良夜樂歌聲》，一推出就深得聽眾喜愛，成為當時其中一個重頭音樂節目。而呢個節目嘅主題曲，由當時被稱為「樂壇雙傑」之一嘅關正傑演唱。

其實Michael喺80年代歌曲產量非常多，同時好多首都係經曲。而佢當時為三家電視台唱過無數主題曲、插曲，亦唱過為數不少電影主題曲，當然，Michael都唱過好多香港電台的電視劇歌曲。之前都曾經唱過我地五台節目《空中結緣》主題曲《空中結緣》。今次呢首主題曲《良夜好歌聲》，由歷風作曲，鄭國江作詞。旋律輕鬆活潑，樂器變化亦豐富，鄭國江老師嘅詞亦立體描寫到聽眾聽節目嘅心態同情境。配合Michael溫厚嘅歌聲，令呢首主題曲成為經典作品之一。

今日「公共廣播九十五年-我們的歌」，同大家重溫1980年，由關正傑主唱，香港電台深夜音樂節目《良夜好歌聲》嘅主題曲《良夜好歌聲》。