Brand New RTHK On The Go
One App for All RTHK Radio & TV programmes
Get
Presenters：張偉基、柳冕
香港電台第一台自2008年推出《非常人物生活雜誌》，關注殘疾人士生活，推動平等共融。節目訪問不同障別人士和相關機構、專業人士，亦介紹各種共融活動，展現這個社群的多元面貌。
10月15日係國際盲人節。
喺香港，有一間專為盲人而設嘅工廠，用重點培訓嘅方法，提供職業訓練，希望增加視障朋友嘅就業同未來發展機會。
工廠除咗生產布藝產品同手工食品之外，仲會訓練學員落場做銷售添！
視障學員喺職業訓練期間，會遇上咩困難？佢哋又係點解決呢？
今個星期，我哋請嚟香港盲人輔導會 盲人工廠經理 陳凌慧，同大家了解多啲呢間盲人工廠！
認知障礙長者話劇計劃「Good Show」，運用「認知障礙展能療法 」同戲劇治療嘅元素，改善認知障礙長者嘅情況。
喺訓練過程中，最大嘅挑戰係咩？話劇又帶咗咩改變比老友記呢？
今個星期，我哋請到計劃嘅參加者代表 陳淑潮(潮仔)、戲劇治療師 洪美芝Amy ，同埋計劃嘅督導主任 孫森聖 Tina，講吓佢哋點樣以話劇跨越認知障礙，做場Good Show。
