主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
文物背後嘅故事往往最吸引。古物古蹟辦事處文物保育組教育及宣傳小組二級助理館長胡文立 SAM話，二千年前漢朝嘅人已經識「代購」，想知多啲？咁就要聽佢講呢個喺展覽《漢風泱泱：雄渾與交融的盛世》嘅文物「元致子方帛書」嘅故事喇。
當代藝術家李昢創作媒材豐富多樣，佢嘅系列《我的宏大敍事》係佢喺M+嘅大型回顧展《李昢：一九九八年至今的創作》嘅重點展品之一，M+視覺藝術助理策展人林頌恩Dorothea 分享呢件作品《我的宏大敍事：泣淚沾石…. 》嘅創作故事。
星期六晚9至10，香港電台第二台，跟住我李秋婷，一齊打開藝文谷呢本聽得嘅藝術文化雜誌吖！
主持人：李秋婷
現場演出嘅珍貴之處，在於每次都獨一無二，而無伴奏合唱就係其中一種有機嘅演繹方式。無伴奏合唱劇團一舖清唱，擅長以無樂器伴奏嘅純人聲演唱結合戲劇等舞台元素，呈現舞台嘅多樣性。即將再三搬演舞台嘅作品《大殉情.死都要唱》喺音樂等各方面都有調整、修改，演出嘅音樂總監、作曲編曲高世章Leon會講講作品嘅概念來源、令作品變得有趣嘅秘方，以及今次邀請歌手葉巧琳Mischa加入嘅原因。聯合藝術總監盧宜均Anna今次繼續參與演出，亦會擔當歌唱指導及編曲，佢會講講唱無伴奏合唱嘅巧，同時分享經歷三次演出嘅進化之路。
攝影師Collin繼續帶喺「剎那永恆系列」，帶出生態攝影樂趣。到底領角鴞、白頸鴉、喜鵲、噪鵑同佢有咩獨特故事？而過程中又帶出乜嘢反思？
有興趣嘅朋友，記住收聽逢星期六晚9點鐘香港電台第二台出版嘅藝術文化雜誌<藝文谷>喇！
