取得
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
展覽<尋街. 見物- 深水埗> 將搜集到二百幾件充滿故事性，亦好能夠代表呢個區嘅物件，以虛擬方式展出，將時代存檔，記錄街坊人情，以及街頭舊物。令策展人吳子昆最驚喜嘅，係展場內有「一樣嘢」出現密度最高…？
劇場工作室即將上演普立茲戲劇獎得主美國劇作家 唐納德·馬古利斯嘅劇作 Time Stands Still，中文譯名《人生定格》。故事描述曾經喺戰地工作嘅男女主角，回復正常生活，但戰地嘅經歷，點樣影響佢哋嘅關係？劇中演員 鄧偉傑、 周偉強亦會講到呢個作品帶出嘅反思。
M+展覽《神話與怪獸：亞洲的奇幻異境》探索亞洲地區兩個世紀以嚟嘅奇幻作品，點樣回應不斷演變嘅社會。整個展覽展出超過四百件展品，涵蓋不同創作類型及風格。當中一件重點展品，有香港藝術家 陳翊 (音：亦) 朗 嘅全新委約場域特定壁畫<恐懼捕手> 。M+ 策展人譚雪凝 Isabella 會話你知呢件作品嘅獨特之處。
中國現代文學家沈從文嘅經典小說 <邊城> 嘅同名音樂劇，即將第四次搬演香港舞台，而今次係中英劇團嘅製作。中英劇團藝術總監張可堅會分享今次製作嘅特別之處，亦會講到同北京鼓樓西戲劇合作嘅緣由。
主持人：李秋婷
今期<藝文谷>有三大焦點：
我哋邀請到EKCC東九文化中心藝術科技學院嘅校長、同學，分享學院提供嘅課程及培訓內容。咦，EKCC唔係演出場地嚟架咩？點解會有間學院嘅？
香港故宮文化博物館嘅博物館廣場現正進行「藝滿芳庭」戶外公共藝術展覽，竹藝藝術家林嘉裕 INKGO 今次創作<矢>呢件作品遇到咩挑戰或難忘事呢？
藝術評論呢個專業，入行門檻會唔會好高呢？點樣先為之一篇優秀劇評？唔知「開放劇評OpenCritic」劇評培訓計劃又搵唔搵到答案呢？
星期六晚9至10
香港電台第二台
一齊打開<藝文谷> 呢本聽得嘅藝術文化雜誌喇！
