主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
香港藝術館策動嘅「當下──香港藝術展」以城市、風景、虛實、變奏為脈絡，匯聚十九位活躍喺當今香港藝壇嘅藝術家，呈現佢哋近年嘅創作。展品嘅媒介橫跨繪畫、水墨、陶瓷、雕塑、錄像、裝置及多媒體，呈現香港藝術界嘅多元風格。
今集請嚟香港藝術館館長(現代及香港藝術） 馬佩婷，仲有水墨藝術家兼建築師馮永基Raymond，帶你遊走藝術展場，仲會深入介紹Raymond嘅作品《條碼》背後嘅傳承故事。
五月份香港都有跳島藝術遊！而且仲滿有「驚喜」 ！「日月同樂：沙頭角跳島藝術遊」 會由沙頭角出發，再跳到吉澳、荔枝窩、鴨洲，以文化藝術角度，令你更認識香港！
記住星期六晚9至10，留喺香港電台第二台，跟住我李秋婷，一齊打開藝文谷呢本聽得嘅藝術文化雜誌吖！
主持人：李秋婷
香港展能藝術會得到社會福利署殘疾人士藝術發展基金資助，推動<邁藝-邁向藝術家之路>計劃，喺32個星期裏面，由本地藝術界專業人士帶領展能藝術家喺藝術發展、修養同埋個人技術發展方向同行，幫助展能藝術家建立個人風格。
藝想大世界邀請到沙畫師胡藹的EDITH，以及展能藝術家伍惠娟WINNIE，分享沙畫創作嘅療癒力量。我哋聽到WINNIE嘅故事都好感動，到底佢嘅沙畫作品關於乜嘢呢？
一條褲製作嘅藝術總監胡海輝話劇團發起【讀癮起】計劃多年，當中嘅演讀劇場近年越來越多劇團選用呢種演出模式，好處係令劇團可以用一個相對少嘅資金去試演一個新作，咁唔知觀眾方面又有咩意見呢？ 而今年嘅【讀癮起】計劃嘅內容又係乜嘢呢？
