主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
香港藝術館策動嘅「當下──香港藝術展」以城市、風景、虛實、變奏為脈絡，匯聚十九位活躍喺當今香港藝壇嘅藝術家，呈現佢哋近年嘅創作。展品嘅媒介橫跨繪畫、水墨、陶瓷、雕塑、錄像、裝置及多媒體，呈現香港藝術界嘅多元風格。
今集請嚟香港藝術館館長(現代及香港藝術） 馬佩婷，仲有水墨藝術家兼建築師馮永基Raymond，帶你遊走藝術展場，仲會深入介紹Raymond嘅作品《條碼》背後嘅傳承故事。
五月份香港都有跳島藝術遊！而且仲滿有「驚喜」 ！「日月同樂：沙頭角跳島藝術遊」 會由沙頭角出發，再跳到吉澳、荔枝窩、鴨洲，以文化藝術角度，令你更認識香港！
記住星期六晚9至10，留喺香港電台第二台，跟住我李秋婷，一齊打開藝文谷呢本聽得嘅藝術文化雜誌吖！
展覽「當下──香港藝術展」希望透過本地19位仍然創作嘅藝術家，展現香港藝術嘅多元風貌。其中一個重點，希望比觀眾了解藝術品創作背後，所以香港藝術館館長 (現代及香港藝術) 馬佩婷話佢哋特別設計創作現場，以及靈感現場，增加藝術家同觀眾嘅互動溝通，究竟有展場有咩睇？又會舉辦乜嘢活動呢？藝術家馮永基話佢喺現場展出嗰張櫈好特別？
有咗人工智能，我哋嘅生活就無往而不利？受工作以及生活啟發，劉兆康Sam、黃峻傑Keith為無伴奏合唱劇團一舖清唱創作《絕世小情色》，首次引入爵士樂元素，為十位演出者帶嚟新挑戰！
主持人：李秋婷
藝術三月裏面其中一個重要嘅藝術博覽「珍藏香港」Collect Hong Kong Art Fair 2026喺三月底舉行，佢嘅特點係唯一聚焦本地藝術家嘅博覽。今年嘅Collect Hong Kong 有唔少新突破，詳細內容梗係交比香港藝術中心監督團主席 劉文邦 Peter、以及資深藝術顧問 莫偉康 Gary 講啦！
邱焱繼續喺藝術共融系列：藝想大世界發掘不同題目同大家分享。今次表達藝術治療師黃卓芝Mavis，講講乜嘢係表達藝術治療。到底邊啲人先適合呢種藝術治療嘅方式呢？
星期六晚9至10，香港電台第二台，一齊打開藝文谷呢本聽得嘅藝術文化雜誌吖！
