Brand New RTHK On The Go
One App for All RTHK Radio & TV programmes
Get
Presenter：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
展覽<尋街. 見物- 深水埗> 將搜集到二百幾件充滿故事性，亦好能夠代表呢個區嘅物件，以虛擬方式展出，將時代存檔，記錄街坊人情，以及街頭舊物。令策展人吳子昆最驚喜嘅，係展場內有「一樣嘢」出現密度最高…？
劇場工作室即將上演普立茲戲劇獎得主美國劇作家 唐納德·馬古利斯嘅劇作 Time Stands Still，中文譯名《人生定格》。故事描述曾經喺戰地工作嘅男女主角，回復正常生活，但戰地嘅經歷，點樣影響佢哋嘅關係？劇中演員 鄧偉傑、 周偉強亦會講到呢個作品帶出嘅反思。
Presenter：李秋婷
二千年前漢朝嘅人已經喺香港生活？係呀，展覽《漢風泱泱：雄渾與交融的盛世》合共展出252件／套珍貴展品，其中203件／套來自內地，其餘49件／套係大會精選喺香港出土嘅重要漢代文物。古物古蹟辦事處 文物保育組 教育 及 宣傳小組 二級助理館 長胡文立 SAM會帶我哋深入展場，聽呢批出土文物點樣反映漢代人嘅生活！
韓國藝術家李昢被公認為係亞洲當代藝術嘅重要人物，過去四十年對韓國、亞洲以至全球藝術界影響深遠。M+視覺藝術助理策展人 林頌恩Dorothea 會帶我哋走入大型回顧展，李昢：一九九八年至今的創作，重點介紹呢幾件作品！
