取得
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
M+展覽《神話與怪獸：亞洲的奇幻異境》探索亞洲地區兩個世紀以嚟嘅奇幻作品，點樣回應不斷演變嘅社會。整個展覽展出超過四百件展品，涵蓋不同創作類型及風格。當中一件重點展品，有香港藝術家 陳翊 (音：亦) 朗 嘅全新委約場域特定壁畫<恐懼捕手> 。M+ 策展人譚雪凝 Isabella 會話你知呢件作品嘅獨特之處。
中國現代文學家沈從文嘅經典小說 <邊城> 嘅同名音樂劇，即將第四次搬演香港舞台，而今次係中英劇團嘅製作。中英劇團藝術總監張可堅會分享今次製作嘅特別之處，亦會講到同北京鼓樓西戲劇合作嘅緣由。
自1989年加入香港藝術節嘅 現任節目總監 梁掌瑋，點樣保持呢份工作熱情，同團隊一齊策動新節目呢？第55屆香港藝術節嘅節目眾多，如果只能揀其中幾個介紹，佢又會點揀？
香港管弦樂團副行政總裁任小瓏上任一年，佢點樣理解自己呢個新崗位嘅責任呢？佢又點睇過去一年樂團嘅工作，以及新樂季、新篇章呢？
主持人：李秋婷
展覽「當下──香港藝術展」希望透過本地19位活躍於當今藝壇的藝術家，展現香港藝術嘅多元風貌。其中一個重點，希望比觀眾了解藝術品創作背後，所以香港藝術館館長 (現代及香港藝術) 馬佩婷話佢哋特別設計創作現場，以及靈感現場，增加藝術家同觀眾嘅互動溝通，究竟有展場有咩睇？又會舉辦乜嘢活動呢？藝術家馮永基話佢喺現場展出嗰張櫈好特別？
有咗人工智能，我哋嘅生活就無往而不利？受工作以及生活啟發，劉兆康Sam、黃峻傑Keith為無伴奏合唱劇團一舖清唱創作《絕世小情色》，首次引入爵士樂元素，為十位演出者帶嚟新挑戰！
