主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
香港非遺月又嚟喇。今年超過50場非遺表演、80個非遺推廣攤位，以及40個考察活動，涵蓋超過100個非遺項目。到底有乜嘢活動等緊大家參與？非物質文化遺產辦事處 館長岑佩玉 Celia會話曬你知！
Mechanical Art 「機械藝術」或者「機動藝術」到底係乜嘢？機械設計師陳家俊Joseph 除咗會以佢嘅角度拆解Mechanical Art，佢亦會分享點樣欣賞呢啲作品。
戲劇大師鍾景輝King Sir 一生為本地戲劇發展作出貢獻。今集藝文谷嘅一小時節目，除咗精選King Sir 生前嘅錄音，更加邀請到幾位戲劇界、藝評界嘅朋友，包括：傅月美、張可堅、張秉權、盧智燊，一齊懷緬「我們的戲劇大師鍾景輝」嘅戲劇人生。
