取得
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
古有花木蘭代父重軍，今有中英劇團嘅代父重婚，到底兩者有無關連？
中英劇團助理藝術總監以及代父重婚嘅導演 盧智燊 EDMOND話導人做喜劇，比自己做更加難，而佢已經摸索出一個方法。到底係咩方法？整個演出，以至許晉邦嘅喜劇手法有乜嘢與眾不同嘅地方？
擅長以點描法作畫嘅展能藝術家魏煜鑫 AARON，最近舉辦首個個人展覽「幻彩之境」。佢會喺藝想大世界，同大家分享佢嘅成長歷程、選擇繪畫呢種藝術形式嘅原因，以及佢相信嘅色彩平等論。
主持人：李秋婷
南音呢香港非物質文化遺產，點樣佢打入小朋友嘅世界？一桌兩椅慈善基金舉辦南音劇場《小希的逍遙遊》，阮兆輝教授聯同音樂家伍卓賢，將兒歌同南音結合，配合曾慕雪創作嘅故事，帶大家嚟一場互動親子嘅旅程！整個劇主打唱住南音學唐詩，到底兩者有乜嘢相似之處？輝哥同阿雪會話曬比你知！
十八世紀係中國宮廷藝術嘅高峰，由康熙末至嘉慶初年，宮廷主導製作大量藝術品，包括：瓷器、玉器、銅器、漆木器、文房用具、拓本、紡織品等等。香港中文大學文物館策展人童宇，帶大家深入「機暇寶笈：懷海堂藏贈乾隆文物」展場，了解當年嘅技藝及創作背後嘅故事！
