取得
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
今時今日，唔見手機對大家嚟講應該會好麻煩呀。
黑暗劇場藝術總監 陳衍泓 COMMA 想透過【全黑劇場體驗】《我唔見咗部手機》帶出對所有人嚟講都好重要嘅信息，而註冊社工梁梓敦亦會從中同大家分享 「失去教育」。
到底黑暗中帶嚟點樣嘅劇場體驗呢？
浪人劇場藝術總監譚孔文 ALEX 20年前創立劇團，劇團今年20歲，即將帶嚟 「20周年盛演」，當中精選咗幾部對劇團好重要嘅作品，同大家從頭、重新、重溫。ALEX 會由起點開始，講劇團嘅成長同發展。
主持人：李秋婷
唔為年齡設限，幾多歲都可以追夢。上集介紹咗第二屆金齡藝術節，今次會追溯返個源頭，「長・智・戲」長者戲劇藝術啟導計劃嘅具體內容。除咗繼續有Arts' Options 藝術總監陳桂芬、行政總監 布韻婷介紹計劃由來，今次仲請嚟長智戲 計劃嘅第四屆畢業生 陳偉業，講吓學戲呢件事，點樣改寫佢嘅人生下半場。
大家喺遊樂場有乜嘢體驗呢？由香港展能藝術會策動嘅「藝無疆」多媒體音樂劇場《遊樂場》，以聲音角度出發，為大家帶嚟不一樣視覺、聽覺嘅體驗。邱焱請嚟胡琴演奏家兼「地水南音」傳承人楊恩華、影像設計 韓家俊、舞者及形體演員 – 鍾少琼 分享呢個多媒體作品嘅獨特之處！
