取得
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
知識泛濫嘅年代，資訊垂手可得。點解我哋仲要聽講座去獲取知識呢？
古典音樂節目主持人、節目製作人以及教育工作者賴建群Calvin，策動古典音樂講座系列：音樂心處 ，佢會同大家分享音樂家嘅故事，亦會講到參與講座嘅獨特性。
劇場空間最新製作，將內地編劇趙瀲嘅作品《第二性》搬演香港舞台，仲要將作品變成音樂劇， 佢哋嘅藝術總監余振球分享背後嘅構思，而劇場構作/演員阮泓竣，以及演員林芷欣會講到今次演出嘅挑戰。
主持人：李秋婷
唔為年齡設限，幾多歲都可以追夢。上集介紹咗第二屆金齡藝術節，今次會追溯返個源頭，「長・智・戲」長者戲劇藝術啟導計劃嘅具體內容。除咗繼續有Arts' Options 藝術總監陳桂芬、行政總監 布韻婷介紹計劃由來，今次仲請嚟長智戲 計劃嘅第四屆畢業生 陳偉業，講吓學戲呢件事，點樣改寫佢嘅人生下半場。
大家喺遊樂場有乜嘢體驗呢？由香港展能藝術會策動嘅「藝無疆」多媒體音樂劇場《遊樂場》，以聲音角度出發，為大家帶嚟不一樣視覺、聽覺嘅體驗。邱焱請嚟胡琴演奏家兼「地水南音」傳承人楊恩華、影像設計 韓家俊、舞者及形體演員 – 鍾少琼 分享呢個多媒體作品嘅獨特之處！
