Brand New RTHK On The Go
One App for All RTHK Radio & TV programmes
Get
Presenter：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
展覽<尋街. 見物- 深水埗> 將搜集到二百幾件充滿故事性，亦好能夠代表呢個區嘅物件，以虛擬方式展出，將時代存檔，記錄街坊人情，以及街頭舊物。令策展人吳子昆最驚喜嘅，係展場內有「一樣嘢」出現密度最高…？
劇場工作室即將上演普立茲戲劇獎得主美國劇作家 唐納德·馬古利斯嘅劇作 Time Stands Still，中文譯名《人生定格》。故事描述曾經喺戰地工作嘅男女主角，回復正常生活，但戰地嘅經歷，點樣影響佢哋嘅關係？劇中演員 鄧偉傑、 周偉強亦會講到呢個作品帶出嘅反思。
Presenter：李秋婷
唔為年齡設限，幾多歲都可以追夢。上集介紹咗第二屆金齡藝術節，今次會追溯返個源頭，「長・智・戲」長者戲劇藝術啟導計劃嘅具體內容。除咗繼續有Arts' Options 藝術總監陳桂芬、行政總監 布韻婷介紹計劃由來，今次仲請嚟長智戲 計劃嘅第四屆畢業生 陳偉業，講吓學戲呢件事，點樣改寫佢嘅人生下半場。
大家喺遊樂場有乜嘢體驗呢？由香港展能藝術會策動嘅「藝無疆」多媒體音樂劇場《遊樂場》，以聲音角度出發，為大家帶嚟不一樣視覺、聽覺嘅體驗。邱焱請嚟胡琴演奏家兼「地水南音」傳承人楊恩華、影像設計 韓家俊、舞者及形體演員 – 鍾少琼 分享呢個多媒體作品嘅獨特之處！
