主持人:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
香港曾經被認為係文化沙漠,時至今日已經蛻變為文化城巿。資深藝術管理人員茹國烈Louis喺最新著作《文化城市之路》,從佢喺三個主要藝術機構嘅工作,包括:香港藝術中心、香港藝術發展局以及西九文化區管理局,記錄呢座城市,點樣喺過去幾十年,踏上文化城市之路。邊一個經歷對Louis嚟講係最重要及最珍貴?
西方文學巨擘William Shakespeare莎士比亞,係英國文學史上最重要嘅劇作家及詩人。到底莎翁嘅作品有乜嘢魅力,以致數百年後嘅今日仍然不斷被搬演舞台、銀幕?資深劇場導演及戲劇教育家鄧樹榮,一直醉心鑽研莎翁嘅作品,早前更策動「香港國際莎劇節」,與外地藝團以不一樣嘅合作模式,擦出新火花。想知道整個莎劇節嘅亮點,以及鄧樹榮最想演嘅莎翁作品係邊個?記得準時收聽節目喇!
主持人:李秋婷
「監獄」容易聯想到「囚禁」、「失去自由」、「壞人」等字眼。大館早前策動文化古蹟常設展覽:域多利監獄B倉與D倉,希望透過呢座監獄複雜嘅歷史,以及高牆內人物嘅真實經歷,打開公眾嘅想像,多角度詮譯呢座歷史建築。大館文物事務主管鍾妙芬博士分享今次策展嘅經過,又會介紹其他相關嘅項目。
劇場係一個引發觀眾想像嘅地方,帶你上天下海,甚至衝出太空。中英劇團最新科幻作品《窮艙守護隊》,導演盧智燊以及演員袁浩楊透露,今次故事以團隊創作模式,帶大家喺歡笑之中反思生命。