主持人:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
藝術打開無限可能,甚至能夠令到8歲仍然唔識寫字、認顏色,以及唔識1到10嘅李子舜,變成一個畫畫獲獎、識寫好多中文字及有自信嘅年輕人。邱焱帶嚟嘅「共融藝術系列:藝想大世界」,邀請到子舜媽媽伍慧妍分享仔仔學畫畫嘅奇妙經歷,亦會介紹藝無疆2024:新晉展能藝術家視覺藝術比賽得獎作品《四餸一湯 》嘅有趣故事。
巴黎聖母院於1991年被聯合國教科文組織列入《世界遺產名錄》,係2019年受到無情大火破壞嘅消息震憾全球。今年法國五月其中一個活動,由香港城市大學文化薈與及香港法國文化協會聯合策動嘅多媒體展覽「巴黎聖母院:重建•重見」,會點樣展示呢座文化遺產嘅歷史、建築特色,以及修復過程?文化薈處長卓燕會詳細話你知。
主持人:李秋婷
「監獄」容易聯想到「囚禁」、「失去自由」、「壞人」等字眼。大館早前策動文化古蹟常設展覽:域多利監獄B倉與D倉,希望透過呢座監獄複雜嘅歷史,以及高牆內人物嘅真實經歷,打開公眾嘅想像,多角度詮譯呢座歷史建築。大館文物事務主管鍾妙芬博士分享今次策展嘅經過,又會介紹其他相關嘅項目。
劇場係一個引發觀眾想像嘅地方,帶你上天下海,甚至衝出太空。中英劇團最新科幻作品《窮艙守護隊》,導演盧智燊以及演員袁浩楊透露,今次故事以團隊創作模式,帶大家喺歡笑之中反思生命。