主持人:李秋婷
藝術、文化,蘊藏令生活更豐盛更美好的力量。逢星期六晚出版,一本聽得到的藝文雜誌,帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
香港作為一個文化樞紐,喺促進文化藝術交流方面一直不遺餘力。
「第四屆粤港澳大灣區文化藝術節」其中一個重點項日係「2024粵港澳大灣區藝文界交流會」,喺十月底一連兩日進行工作坊、公開講座、大型圓桌會議及文化導賞團。負責策劃、統籌今次計劃嘅陳國慧 (國際演藝評論家協會(香港分會)總經理)會分享交流嘅重要性,亦會提及大灣區部份藝團嘅最新發展,以及對我哋嘅啟示。
唔好睇口琴呢個樂器細細,容易吹得響,就以為佢好輕易掌握得到,其實當中大有學問㗎!
口琴界前輩韋恒熹 (韋sir ) 教導長沙灣天主教英文中學口琴隊超過38年,退休在即,韋sir策動一次「以音樂會友」嘅口琴演奏會 ,名為「我與長天的暢敘」。除咗青年口琴家黃志榮 Wesley 獲邀外,將會有眾多嘉賓同台演出。韋sir除咗會介紹口琴知識,亦喺訪問當日同太太Christina 即場合奏,而Wesley 都有獨奏演出,特別送比《藝文谷》聽眾。
有興趣嘅朋友,記住唔好錯過喇 !
主持人:李秋婷
國際演藝評論家協會 (香港分會) (簡稱IATC)致力推動藝術評論、出版刊物 (例如:香港表演藝術年鑑),亦參與國際會議及海外交流。今年IATC首次喺亞洲舉行「國際表演藝術圖書館、博物館與資料館協會」國際研討會,總經理陳國慧Bernice 亦透露期望係香港創辦表演藝術資料館。到底呢個研討會同我哋嘅文化記憶,以及藝術機構整存資料等各方面有咩關聯,而呢個計劃又有咩重要性?
紐約時報以「the Artist's Artist藝術家中的藝術家」去形容Bruce Nauman布魯斯.瑙曼,究竟瑙曼嘅作品點解咁有影響力? 大館當代美術館帶嚟瑙曼大型回顧展,將佢過去六十多年嚟嘅重點作品展現觀眾面前。副策展人秦文娟Jill提到,瑙曼不同年代嘅錄像作品除咗見證科技、技術嘅演變,同時亦見證瑙曼嘅身體變化。除咗瑙曼嘅創作特色,Jill亦會介紹展覽當中幾件作品嘅故事。