簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#284 【隱山：山居日月筆記】 / 粵劇《竹林愛傳奇》/ 藝聞全世界： 越後妻有大地藝術祭 香港部屋 / 藝在無窮：法國羅浮宮 / 香港島環島徑挑戰2024
現居新界鄉郊，三年前成為有機農夫嘅自然畫家及作家葉曉文 (Human)，將自己幾年嚟喺客家村生活嘅知識及感悟，配上自己繪畫嘅動植物插圖，結集成《隱山：山居日月筆記》。她點解會建立呢種結合自然生態書寫、文學、藝術嘅創作模式？插圖中嘅動植物又有邊一幅Human印象最難忘？
過去創作劇本逾百部嘅杜國威(杜sir)，久休復出，去年為香港藝術節執筆創作粵劇《竹林愛傳奇》，今年作品再度搬演舞台，更會衝出香港演出。杜sir 直言呢個作品挑戰眾多，佢希望除咗《我和春天有個約會》及《南海十三郎》之外，大家會記得佢嘅粵劇創作。呢個作品強調係「新編粵劇」原來暗藏杜sir 對粵劇發展嘅心願。
有興趣嘅朋友記得收聽今集節目喇 ~
重溫
#283「 在森林和原野…...」 / 築覺漫遊系列： 恩瑞克·米拉萊斯 / 藝聞全世界：名畫爭議 / 藝在無窮：恩瑞克·米拉萊斯 / 香港演藝博覽
主持人：李秋婷
雖然歌仔有得唱「在森林和原野是多麼的逍遙」，但喺鄉郊生活無城巿咁便捷，夏天多蚊蟲又無得嘆冷氣，仲要做粗重嘅農務，點解仲有一班人願意放低一切過住深居簡出嘅生活呢？
自然畫家及作家葉曉文Human幾年前參與梅子林藝術活化計劃，深入新界東北，從此佢同荔枝窩結下不解緣。呢種鄉郊生活對Human產生咗乜嘢翻天覆地嘅轉變呢？
現今嘅建築師借助科技幫助，相對容易設計到一啲外型奇特嘅建築物。生於1955年嘅恩瑞克·米拉萊斯Enric Miralles被喻為天才建築師，而佢畫嘅建築繪圖，就連專業建築師都要花唔少時間先睇得明，咁Enric嘅作品有咩獨特之處？本地建築師洪彬芬Fanny 帶領大家喺「築覺漫遊系列」，欣賞Enric 嘅名作，包括：Igualada Cemetery, 聖卡特琳娜市場(Santa Caterina Market Hall) 及蘇格蘭議會大樓 (Scottish Parliament Building)。
有興趣嘅朋友記住唔好錯過喇！
