- 公開試太難，除咗考起學生，原來都會考起主管官員。早前，南韓教育課程評價院長吳承杰辭職，就正正因為今屆大學入學試嘅英文科，難度被形容為「地獄級」。 

- 南韓嘅大學入學試因為決定學生未來命運，所以唔少外國傳媒喺報道嘅一開始，先強調佢有幾可怕同幾重要。有報道就用咗 fearsome（可怕的）嚟形容，而且仲話呢個係 a rite of passage（過渡儀式，尤其指成人禮）。同時，亦有報道指呢個公開試係 notoriously gruelling（出晒名咁艱難）。

- 呢個英文科考試，學生要喺70分鐘入面答45條題目，但題目非常艱深。例如， 其中一條最令人生畏嘅題目 among the most daunting questions，就係要求考生分析18世紀哲學家康德（Immanuel Kant）對法治嘅睇法。而另一條關於網上遊戲嘅題目就充滿咗專業術語（jargon）。

- 由於呢個考試意義重大，所以分數一直都被公眾仔細監察住 closely scrutinised，所以今次就導致負責嘅官員要辭職落台。

- 大家想考吓自己嘅英文程度，不妨搵嚟試吓解答。

Fearsome: 令人畏懼的；可怕的

Rite of passage: 成年禮；人生重要的階段性儀式或事件

Notoriously gruelling: 出晒名咁艱難, 眾所周知咁辛苦（notorious 臭名昭著, gruelling 艱辛的）

Daunting: 令人氣餒的；使人卻步的

Jargon: 專業術語；某個領域內的特定用語

Scrutinise: 仔細檢查；徹底審查; 細閱