女主角茱莉（Julie），即將滿30歲，佢嘅人生就好似由一連串「隨心所欲」嘅選擇組成：轉系、轉工、甚至轉男朋友。佢以為選擇代表自由，但換嚟嘅卻係自我懷疑。

電影嘅其中一幕，當茱莉嘅前男友、漫畫家艾克索（Aksel）被節目主持質疑佢嘅作品貶低女性嘅時候，佢就以呢句對白回應，表示：「你係有選擇嘅，你無需感到被冒犯」；不過主持就反指：「呢個唔係選擇」（It’s not a choice）。

咁究竟我哋有無得揀？喺哲學嘅角度，選擇又係點嘅一回事？