洋洋：「你自己看不到啊！我給你看啊！」
以上係電影《一一》入面，8歲嘅洋洋同佢舅父就住「後尾枕相片」講出嘅一段對話。

電影由婚禮開始，以喪禮結束，悲歡離合盡在其中。劇情講述人到中年嘅簡南峻NJ，一方面要挽救事業危機，另一方面又遇上感情煩惱，對久別重逢嘅初戀情人念念不忘。而NJ嘅太太敏敏就因為媽媽中風昏迷，身心俱疲，需要尋求神明慰藉。至於16歲嘅大女婷婷就情竇初開，經歷一段先甜後苦嘅初戀。而對話入面嘅洋洋，就係NJ嘅細仔，平時鍾意攞住相機影人哋嘅後尾枕，令其他人睇到佢哋睇唔到嘅嘢。

德國哲學家尼采曾經講過：「我們無可避免跟自己保持陌生，我們不明白自己，我們搞不清楚自己，我們的永恆判詞是：『離每個人最遠的，就是他自己。』─對於我們自己，我們不是「知者」」

咁我哋對自己嘅認識係咪就好似睇唔見自己嘅後尾枕，充斥住盲點，必須依賴其他人先至可以認清自己？