#9 從《密陽》談原諒

「在我還沒原諒他之前，上帝怎麼可以先原諒他？！這是為什麼？！」— 呢段經典對白係出自韓國電影《密陽》。劇情講述女主角申愛喺失去丈夫之後，帶住兒子去到亡夫嘅故鄉密陽展開新生活，但好景不常，兒子竟然喺當地遭遇綁架、撕票嘅悲劇。

申愛無法釋懷，但透過參與一些宗教活動後，佢自覺可以原諒殺害兒子嘅犯人。佢打算完成「原諒」嘅最後一步——當面同犯人講出「原諒」兩個字。豈料獄中嘅犯人竟然話，佢所信嘅上帝已經赦免咗佢，佢已經得到救贖。申愛當場崩潰，無法接受呢份根本唔需要佢參與嘅原諒，於是講出呢句充滿撕裂感嘅對白。

當無法原諒一個人或一件事嘅時候，我哋該何去何從？究竟「原諒」同「唔原諒」之間，仲有冇第三條出路？