「下一輩子，我要求佛祖，不要分配我做你老婆，要分配你做我老婆，好不好呀？」
呢句笑中有淚嘅對白，出自電影《女人四十》入面、由夏萍飾演嘅霞姨。
電影講述由蕭芳芳飾演嘅女主角阿娥，日夜穿梭喺寫字樓同家庭之間 。佢一邊要照顧患上腦退化症嘅老爺，一邊要處理公司繁重嘅帳目，仲要忍受丈夫嘅輕佻同唔理解。而作為阿娥閨蜜嘅霞姨，生活同樣煎熬。
當佢開解阿娥嘅同時，自己亦確診胃癌末期，仲要默默照顧脾氣極差嘅丈夫，就用呢句玩笑，包裝生活嘅無奈。呢句說話，唔單止係一句對白，更代表住一個時代嘅女性心聲。
當我哋歌頌母親嘅犧牲時，我哋有冇諗過， 呢種犧牲，究竟係出於母性嘅光環，定係時代默默加諸喺女性身上嘅無形枷鎖？
取得
