由蕭芳芳飾演嘅女主角阿娥一路承受住家庭、工作同照顧長輩嘅壓力，而患有腦退化症、由喬宏飾演嘅老爺，喺記憶逐漸流失、言語同思緒都越黎越模糊嘅狀態下，喺臨終前輕輕同阿娥講出呢句說話。佢冇辦法完整記住自己嘅過去，但喺最後一刻，表達咗對人生最直接、最真實嘅感悟。 

一個連記憶都守唔住嘅老人家，竟然喺混沌嘅生活入面搵到生命最純粹嘅存在感。唔通忙亂、責任、無奈，到頭來都可以係一場好過癮嘅經歷？當營營役役嘅生活只剩低追趕同承受，我哋可以點樣，為自己搵返一個值得咁忙嘅理由？