呢句對白，出自科幻愛情電影《觸不到的她》（Her）。

故事講述男主角 Theodore，愛上咗佢嘅人工智能作業系統 Samantha。佢哋嘅關係冇實體接觸，冇共同生活嘅瑣碎片段，但情感嘅真實，令Theodore 無法自拔，甚至一度認為自己從未如此深愛過。

而呢句對白，正正係佢嘅雲端情人Samantha 一個既殘酷又誠實嘅告白。AI 嘅「愛」，唔係專屬於一個人，而係可以被複製、被分配，甚至同時存在於幾百段關係之中。

咁樣嘅操作模式，令男主角Theodore完全無辦法接受！點解呢？係咪因為愛一個人，就必須要獨佔？成為對方生命中獨一無二、無可取替嘅「另一半」，喺愛情關係當中究竟點解咁重要呢？