主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
藝術三月裏面其中一個重要嘅藝術博覽「珍藏香港」Collect Hong Kong Art Fair 2026喺三月底舉行，佢嘅特點係唯一聚焦本地藝術家嘅博覽。今年嘅Collect Hong Kong 有唔少新突破，詳細內容梗係交比香港藝術中心監督團主席 劉文邦 Peter、以及資深藝術顧問 莫偉康 Gary 講啦！
邱焱繼續喺藝術共融系列：藝想大世界發掘不同題目同大家分享。今次表達藝術治療師黃卓芝Mavis，講講乜嘢係表達藝術治療。到底邊啲人先適合呢種藝術治療嘅方式呢？
星期六晚9至10，香港電台第二台，一齊打開藝文谷呢本聽得嘅藝術文化雜誌吖！
主持人：李秋婷
巴塞爾藝術展2025 (Art Basel Hong Kong) 係藝術三月其中一件盛事。專為智障人士及其家人服務嘅非牟利機構匡智會今年第二度參與Art Basel，而今年展覽嘅主題叫「Neighbour.活」。匡智屯門晨輝學校（數碼藝術）傅美璇老師帶同梁家謙同學，仲有匡智松嶺綜合職業訓練中心（繪畫創作）徐芷君導師聯同學員張子俊喺「藝想大世界」介紹今次展覽嘅細節，同時亦會回顧上次展覽嘅迴響以及學員們嘅反應。
1989年普立茲克建築獎 (Pritzker Architecture Prize) 得主Frank Gehry 法蘭克.加里嘅創作眾多，而成名之作竟然係佢為自己及家人設計嘅住所Gehry Residence。提起加里嘅名字，好多人都會諗起畢爾包古根漢美術館，但除此以外，加里仲有乜嘢特色建築？「築覺漫遊系列」會從Gehry Residence講起，仲會講到加里喺香港嘅第一個亞洲住宅項目嘅建築特色。
有興趣嘅朋友，記住唔好錯過喇！
