主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
2014年勇奪美國東尼獎多個獎項嘅音樂劇《Hedwig and the Angry Inch》嘅粵語版《搖滾芭比》再次喺西九文化區上演！香港版劇本及歌詞翻譯兼演員嘅鄭君熾提到，呢個作品令佢喺演唱同演繹上有好大突破，當初呢個作品又點解分別吸引到佢同創作總監、導演及編舞 林俊浩要搬演香港舞台呢？
音樂治療師鍾敬文Kingman話只要個音樂同Client 有關連，能夠引起佢嘅共鳴就自然有治療效能，咁Kingman係點樣幫助中風康復者Tony搵返語言嘅能力，甚至唱歌嘅能力，繼而重拾自信呢？ 今集「藝想大世界」邱焱繼續帶你發掘音樂治療嘅力量！
主持人：李秋婷
文物背後嘅故事往往最吸引。古物古蹟辦事處文物保育組教育及宣傳小組二級助理館長胡文立 SAM話，二千年前漢朝嘅人已經識「代購」，想知多啲？咁就要聽佢講呢個喺展覽《漢風泱泱：雄渾與交融的盛世》嘅文物「元致子方帛書」嘅故事喇。
當代藝術家李昢創作媒材豐富多樣，佢嘅系列《我的宏大敍事》係佢喺M+嘅大型回顧展《李昢：一九九八年至今的創作》嘅重點展品之一，M+視覺藝術助理策展人林頌恩Dorothea 分享呢件作品《我的宏大敍事：泣淚沾石…. 》嘅創作故事。
星期六晚9至10，香港電台第二台，跟住我李秋婷，一齊打開藝文谷呢本聽得嘅藝術文化雜誌吖！
