Presenter：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
藝術三月裏面其中一個重要嘅藝術博覽「珍藏香港」Collect Hong Kong Art Fair 2026喺三月底舉行，佢嘅特點係唯一聚焦本地藝術家嘅博覽。今年嘅Collect Hong Kong 有唔少新突破，詳細內容梗係交比香港藝術中心監督團主席 劉文邦 Peter、以及資深藝術顧問 莫偉康 Gary 講啦！
邱焱繼續喺藝術共融系列：藝想大世界發掘不同題目同大家分享。今次表達藝術治療師黃卓芝Mavis，講講乜嘢係表達藝術治療。到底邊啲人先適合呢種藝術治療嘅方式呢？
星期六晚9至10，香港電台第二台，一齊打開藝文谷呢本聽得嘅藝術文化雜誌吖！
Presenter：李秋婷
近年大受歡迎嘅小龍蝦又名美國螯蝦，原產於美國東南部。以前日本人無食小龍蝦嘅習慣，追源溯始，人類學家張展鴻Sidney話可能同負責1916年日本大正天皇登基典禮晚宴嘅廚師有關！？
香港首次舉行中部非洲嘅藝術展覽，趙式慶以《召喚無形中部非洲藝術展》策展人身份，介紹19世紀至20世紀初期呢度嘅藝術文化傳統。究竟雕塑、面具及兵器三個領域，呈現到中非點樣嘅文化意涵？
有興趣嘅朋友，記得準時收聽節目喇！
