#263 藝無彊2024：新晉展能藝術家視覺藝術比賽得獎者訪問 (下) / 法國五月「巴黎聖母院：重建•重見 」展覽 / 藝聞全世界：GETTY 博物館 / 藝在無窮：芭蕾舞鞋 / 【黑白‧無常】攝影展

藝術打開無限可能，甚至能夠令到8歲仍然唔識寫字、認顏色，以及唔識1到10嘅李子舜，變成一個畫畫獲獎、識寫好多中文字及有自信嘅年輕人。邱焱帶嚟嘅「共融藝術系列：藝想大世界」，邀請到子舜媽媽伍慧妍分享仔仔學畫畫嘅奇妙經歷，亦會介紹藝無疆2024：新晉展能藝術家視覺藝術比賽得獎作品《四餸一湯 》嘅有趣故事。


巴黎聖母院於1991年被聯合國教科文組織列入《世界遺產名錄》，係2019年受到無情大火破壞嘅消息震憾全球。今年法國五月其中一個活動，由香港城市大學文化薈與及香港法國文化協會聯合策動嘅多媒體展覽「巴黎聖母院：重建•重見」，會點樣展示呢座文化遺產嘅歷史、建築特色，以及修復過程？文化薈處長卓燕會詳細話你知。