簡介
Presenter：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 rthk.hk/artitude
最新
#264 《經行頌缽》(微觀篇) / 「墨境淋漓—陳榮森捐贈作品展」 / 藝聞全世界： Jean-Michel Basquiat尚-米榭·巴斯奇亞 / 藝在無窮：The power and politics of textile in art / 黃河大合唱 - 林大葉與香港中樂團
頌缽原本被僧侶當作食器所使用，因為發出嘅共鳴聲音具有延展性，令頌缽後來成為療癒身心嘅工具。研習頌缽十數年嘅跨領域當代藝術家曾文通，將靜觀與劇場結合，帶來第七部作品《經行頌缽》(微觀篇)，讓觀眾以「靜」心「觀」看嘅方式經驗劇場。何謂經行？演出元素除咗頌缽、靜觀，仲有咩呢？
嶺南畫派第三代傳人藝術家陳榮森，自1976年跟隨趙少昂教授習畫，亦曾跟隨不同名師學習傳統中國繪畫、書法及篆刻。後來陳榮森毅然放下畫具，至退休後再重拾畫筆，原因何在？展覽「墨境淋漓」之中，師徒作品並置，效果又如何？香港文化博物館館長(藝術) 鄧民亮博士除咗會拆解上述提問，亦會分享欣賞嶺南畫派作品嘅角度。
重溫
#261 書籍【文化城巿之路】 / 鄧樹榮戲劇工作室主辦 《香港國際莎劇節》/ 藝聞全世界：荷蘭街頭藝術家 - 弗蘭基 / 藝在無窮：瑞士巴塞爾 / 第三十一屆法國五月藝術節
Presenter：李秋婷
香港曾經被認為係文化沙漠，時至今日已經蛻變為文化城巿。資深藝術管理人員茹國烈Louis喺最新著作《文化城市之路》，從佢喺三個主要藝術機構嘅工作，包括：香港藝術中心、香港藝術發展局以及西九文化區管理局，記錄呢座城市，點樣喺過去幾十年，踏上文化城市之路。邊一個經歷對Louis嚟講係最重要及最珍貴？
西方文學巨擘William Shakespeare莎士比亞，係英國文學史上最重要嘅劇作家及詩人。到底莎翁嘅作品有乜嘢魅力，以致數百年後嘅今日仍然不斷被搬演舞台、銀幕？資深劇場導演及戲劇教育家鄧樹榮，一直醉心鑽研莎翁嘅作品，早前更策動「香港國際莎劇節」，與外地藝團以不一樣嘅合作模式，擦出新火花。想知道整個莎劇節嘅亮點，以及鄧樹榮最想演嘅莎翁作品係邊個？記得準時收聽節目喇!
