簡介
主持人：李秋婷
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
最新
#280 香港小交響樂團 2024-25 駐團藝術家 / 一條褲製作《撒旦狂筆》/ 藝聞全世界 墨西哥建築事務所 Sordo Madaleno
「古典音樂 X 活版印刷技術」會迸發乜嘢火花？
姊妹檔 ditto ditto (妹妹陳葆珊 Nicole同埋姐姐陳葆恩 Donna) 獲邀，成為香港小交響樂團 2024-25 年度嘅駐團藝術家。到底佢哋嘅合作方式係點？ 當年兩姊妹點解會同活版印刷結下不解緣？呢種技藝具體嘅操作流程又係點？需要用到乜嘢機器幫手？
美國得獎編劇Doug Wright借用法國真實人物薩德侯爵部份離經叛道嘅事跡，喺九十年代大膽創作故事《撒旦狂筆》(英文原著Quills)。呢個作品先後被搬演舞台及大銀幕，而當年一條褲製作藝術總監胡海輝對呢個文本一讀難忘，於是將佢搬演舞台。點解胡海輝話要將呢個作品帶到舞台一啲都唔容易，而且充滿挑戰？而當初邀請魯文傑Simon 飾演主角薩德侯爵，一係無心插柳，二都擔心被Simon 拒絕？
有興趣嘅朋友，記住唔好錯過喇！
重溫
#264 《經行頌缽》(微觀篇) / 「墨境淋漓—陳榮森捐贈作品展」 / 藝聞全世界： Jean-Michel Basquiat尚-米榭·巴斯奇亞 / 藝在無窮：The power and politics of textile in art / 黃河大合唱 - 林大葉與香港中樂團
主持人：李秋婷
頌缽原本被僧侶當作食器所使用，因為發出嘅共鳴聲音具有延展性，令頌缽後來成為療癒身心嘅工具。研習頌缽十數年嘅跨領域當代藝術家曾文通，將靜觀與劇場結合，帶來第七部作品《經行頌缽》(微觀篇)，讓觀眾以「靜」心「觀」看嘅方式經驗劇場。何謂經行？演出元素除咗頌缽、靜觀，仲有咩呢？
嶺南畫派第三代傳人藝術家陳榮森，自1976年跟隨趙少昂教授習畫，亦曾跟隨不同名師學習傳統中國繪畫、書法及篆刻。後來陳榮森毅然放下畫具，至退休後再重拾畫筆，原因何在？展覽「墨境淋漓」之中，師徒作品並置，效果又如何？香港文化博物館館長(藝術) 鄧民亮博士除咗會拆解上述提問，亦會分享欣賞嶺南畫派作品嘅角度。
