油街實現策動「油街在地」計劃，邀請藝術家駐留考察，為呢個二級歷史建築賦予新嘅想像，而藝術家阿三係其中一位。阿三策劃「花晨月夕」個展，展覽以紫色為主色調，令油街嘅紅磚建築有種煥然一新嘅感覺。阿三會分享今次創作嘅起點、背後嘅心路歷程，以及創作特色。

「剎那永恆攝影系列」繼續有攝影師何柏基Collin，以佢嘅專業知識同我哋分享不同器材嘅優劣。喺智能手機普及化嘅時代，專業攝影器材同手機嘅拍攝效果作比較，邊個較為優勝？Collin同場會分享手機拍攝嘅貼士，亦會講到攝影嘅意義。