Presenters：李秋婷、張展鴻
藝術、文化，蘊藏令生活更豐盛更美好的力量。逢星期六晚出版，一本聽得到的藝文雜誌，帶來不同專題、人物訪問以及最新的藝文資訊。
#香港電台文教組
#藝文一格 culture.rthk.hk
今年係馬年藝文谷當然要應一應節，帶大家走入香港中文大學文物館，了解最新展覽 -- 丙午說馬啦！呢個年度生肖展，展出四十幾組同馬相關嘅文物館藏。呢批文物由西周至20世紀都有，橫跨二、三千年歷史。呢批展品仲有乜嘢特別之處？策展人童宇Sam會話曬比你知！
版畫對於法籍華裔藝術家趙無極嘅創作生涯非常重要，上星期我哋了解咗版畫嘅創作技藝，今個星期就去了解趙無極喺版畫方面嘅獨特美學、技法同風格！M+教學及詮譯副策展人曾黎華 Claudia 仲會透露，趙無極喺創作油畫同版畫呢兩種媒介上嘅重要連繫！
Presenters：李秋婷、張展鴻
農曆新年大家忙於拜年、旅行之餘，亦可以聽電台節目，增長新年相關嘅文化知識。香港中文大學人類學系教授張展鴻會喺全新系列「味覺漫遊」，率先分享民間傳統「過年齋」嘅由來及意義等等。
過年食品除咗齋菜以外，當然唔少得糕點，香港浸會大學中國語言文學系蕭欣浩就會同大家講解年糕、蘿蔔糕及馬碲糕嘅由來與製作方法，仲會分享美味小貼士。
聽到咁多嘢食，梗係好肚餓哩。沙頭角文化生態協會史嘉茵話「沙頭角墟新春嘉年華」有嘢食、有嘢玩又有嘢睇。詳細情況，梗係要收聽今集節目啦！
祝大家聽節目聽到「蛇」采飛揚！
